მათ არ სურთ მშვიდობა, თუ მოითხოვენ იმას, რაზეც იციან რომ არ დავთანხმდებით – ზელენსკი

უკრაინის პრეზიდენტი, ვოლოდიმირ ზელენსკი დონალდ ტრამპსა და ვლადიმირ პუტინს შორის სატელეფონო საუბარს გამოეხმაურა.

მან პრესკონფერენციაზე უარყო პუტინის მოთხოვნა რუსეთის მიერ ოკუპირებული 4 რეგიონიდან უკრაინული ჯარების გაყვანის შესახებ.

“ჩვენ არ გამოვიყვანთ ჯარებს ჩვენი ტერიტორიებიდან, ეს ჩემი, ჩვენი ძალების კონსტიტუციური მოვალეობაა… არანაირი ულტიმატუმი არ იქნება, არავინ აპირებს თავისი მიწების, თავისი ხალხის, თავისი სახლების დათმობას. არ ვიცი, რა პრინციპები აქვს [პუტინის მიერ აღნიშნულ მემორანდუმს], მაგრამ თუ რუსეთი ჩვენი ჯარების ჩვენი მიწებიდან გაყვანისთვის პირობებს დააწესებს – ეს ნიშნავს, რომ მათ არ სურთ ომის დასრულება. რადგან მათ ნათლად ესმით, რომ უკრაინა ამას არ გააკეთებს”, – თქვა მან.

ზელენსკიმ განაცხადა, რომ ტრამპს, პუტინთან საუბრამდე სთხოვა, გადაწყვეტილებები უკრაინასთან დაკავშირებით დამოუკიდებლად არ მიეღო.

“მე ვთხოვე მას, პუტინთან საუბრამდე ჩვენს გარეშე არ მიეღო არანაირი გადაწყვეტილება უკრაინასთან დაკავშირებით”, – განაცხადა ზელენსკიმ პრესკონფერენციაზე.

გააზიარეთ და მოიწონეთ სტატია:

მსგავსი სტატიები:

კალანდა გურიაში – ეთნოგრაფ სერგი მაკალათიას მოგონებებიდან “პრობლემა წინა ხელისუფლებიდან მოდის, მაგრამ 8 წელი რას აკეთებდით მთავრობა”? “ერთი ოზურგეთელი გოგოც შეეწირა აპრილის დღეს, ლიხაურელი ნინო თოიძე” “თუ პირი სხვადასხვა ვაქცინით აიცრება, ამით ის საკუთარ „ჯანმრთელობას არ ავნებს“ “ოცნება” ასე ემზადება არჩევნებისთვის-ოპოზიცია გუბერნატორის განთავისუფლებაზე “ნებისმიერ ფორმატში მზად ვარ, ნებისმიერ კანდიდატთან სადებატოდ” “ბატონო ღარიბაშვილო, ხართ დარწმუნებული, რომ მტკიცებულებები არ არსებობს როგორ ებრძვით ეკლესიას?” – ინგა გრიგოლია და მაინც, რამდენია ერთი ცხენის ძალა?