საქართველოში ევროკავშირის წარმომადგენლობის ოფისში, „ერთიანობა ნაციონალური მოძრაობის“ თავმჯდომარე თინა ბოკუჩავა, პარტიის ერთ-ერთ ლიდერ ზურაბ ჭიაბერაშვილთან ერთად, ევროკავშირის ელჩს პაველ ჰერჩინკის ხვდება.
როგორც თინა ბოკუჩავამ შეხვედრის დაწყებამდე ჟურნალისტებს განუცხადა, ელჩთან შეხვედრისას ისაუბრებენ „კოალიცია ცვლილებისთვის“ ერთ-ერთი ლიდერის, ზურაბ ჯაფარიძის დაპატიმრებაზე და „ხელისუფლების მიერ დაანონსებულ რეპრესიებზე“.
„სრულიად უდანაშაულო ადამიანი, 3 შვილის მამა, მძიმედ ავადმყოფი დედის შვილი დააკავეს წულუკიანის განკარგულებით. ზურა ჯაფარიძის დაკავება უმთავრესი საკითხი იქნება. ასევე, ის პოლიტიკური რეპრესიები, რომელსაც ივანიშვილის რეჟიმი აანონსებს და აპირებს. ამავდროულად, უმნიშვნელოვანესია ჩვენი ქვეყნის ტერიტორიული მთლიანობის საკითხი“, -განაცხადა ბოკუჩავამ.
მისი განმარტებით, ევროკავშირის ელჩთან საუბრის ერთ-ერთი მთავარი თემა იქნება ასევე სირიის ხელისუფლების მხრიდან საქართველოს ოკუპირებული რეგიონების აღიარების უკან გაწვევა.
„ჩვენი ვალია, როგორც პოლიტიკოსების, რომ ასეთი მძიმე ემოციური ფონის დროსაც კი, ვკონცენტრირდეთ ჩვენი ქვეყნის ეროვნულ ინტერესებზე. ამას სწირავენ ადამიანები საკუთარ თავისუფლებას, მათ შორის ზურა ჯაფარიძეც“, – განაცხადა ბოკუჩავამ.
მსგავსი სტატიები:
პანდემიასთან გასამკლავებლად, ევროკავშირმა საქართველოსთვის €100 მილიონი გამოყო
ავარია ლანჩხუთის ცენტრში _ მოსახლეობა დახმარებას ითხოვს!
ქუთაისში სამართალდამცველები და ბოშები დაუპირისპირდნენ
“ეკატერინე ტიკარაძე თანამდებობაზე რომ ყოფილიყო…დღეს „ნაცმოძრაობის“ ოფისთან არათუ ერთი, არამედ სასწრაფო დახმარების რამდენიმე ბრიგადა იქნებოდა”-ანზორ მელია
მადლობა ღმერთს, რომ დიქტატურა გვაქვს – ლუკაშენკო
წელს მოსავალი 30%-ით შემცირდა – რა ღირს თხილი საქართველოში
დგანან თუ არა “თაღლითობაში” დადანაშაულებულების უკან გურიის პოლიციის მაღალჩინოსნები
ჩვენი ეკლესიების გამთეთრებლებთან მშვიდობა არ და ვერ იქნება – გიორგი უშიკიშვილი