ბახვი ჰესის აქტიური სამშენებლო სამუშაოების პარალელურად წინასწარ განსაზღვრული გეგმის მიხედვით ინტენსიურად მიმდინარეობს გარემოსდაცვითი ღონისძიებებისა და მონიტორინგის პროცესები. ბახვი ჰესის ვალდებულებების ნუსხაში, ყოველ კვარტალური გარემოსდაცვითი კვლევებისა და მონიტორინგის წარმოება ერთ-ერთი უმთავრესია. აღნიშნული ვალდებულების შესრულებას მონიტორინგს უწევენ ერთის მხრივ სახელმწიფო, მეორეს მხრივ კი, ის უცხოელი ექსპერტები, რომლებიც პროექტის საწყის ეტაპზე აწარმოებდნენ სამშენებლო პერიმეტრის კვლევას, ასევე, პროექტის ინვესტორები. სწორედ, დამოუკიდებელმა საერთაშორისო ექსპერტებმა შეიმუშავეს სამოქმედო გეგმა, რომლის ზედმიწევნით განხორციელების შემთხვევაში, პროექტი, გარემოზე მოსალოდნელ ზემოქმედებას ან სრულიად აირიდებს, ან მოხდება მისი მნიშვნელოვნად შერბილება. კვლევებისა და მონიტორინგის ვალდებულება გაწერილია გარემოზე ზემოქმედების შეფასების (გზშ) დოკუმენტში, ასევე რამდენიმე გარემოსდაცვითი სახის კვლევაში.
„გარემოსდაცვითი მონიტორინგის გეგმა შეთანხმებული და დამტკიცებულია გარემოს ეროვნული სააგენტოს მიერ. ყოველ კვარტალურ კვლევებსა და მონიტორინგს ახორციელებენ დამოუკიდებელი სპეციალისტები. ივნისის თვეში ჩატარდა წელს რიგით მეორე კვლევა. ანგარიშები სპეციალისტებს მზად ექნებათ მიმდინარე თვეში და ცხადია, ინფორმაციას გავავრცელებთ. ამ ეტაპზე შეიძლება ითქვას, რომ კარგი მოლოდინი გვაქს, რადგან თავად მკვლევარები ზეპირი საუბრების დროს აღნიშნავდნენ, რომ არაერთი ცხოველი, ფრინველი თუ ქვეწარმავალი ნახეს სამშენებლო არეალის მიმდებარე ზონებში. ეს კი, პირდაპირი ნიშანია, რომ ცხოველთა დიდი მასშტაბის განრიდებას ადგილი არ ქონია” – განაცხადა დავით კობერიძემ, პროექტის გარემოს დაცვისა და სოციალური პროექტების მენეჯერმა.
2024 წლის მეორე კვარტალში ჩატარებული კვლევები:
- ჰაერის ხარისხი (მტვერი და გამონაბოლქვი), ვიბრაცია – DG Consulting
- ზედაპირული წყლების ხარისხი – DG Consulting
- ფლორა და ფაუნა (ცხოველები, ფრინველები, ამფიბიები, რეპტილიები, მცენარეული საფარი) – ნიკო ქერდიყოშვილი, ეკოლოგიის მაგისტრი, თბილისის ზოოპარკის სამეცნიერო პროგრამების მმართველი
- ხელფრთიანების და მათი ჰაბიტატების საექსპერტო კვლევა – გიორგი შეყლაშვილი.
- მდ.ბახვისწყლის ბიომრავალფეროვნება – გიორგი ზაალიშვილი, ბიოლოგიის მაგისტრი (სპეციალიზაცია: ჰიდრობიოლოგია-იქთიოლოგია)
- გეოლოგია – ლევან ქებულაძე შპს „გეოსტანდარტი“
მსგავსი სტატიები:
მერიის მოსახლეობა სასმელ წყალს ითხოვს
ოზურგეთის სამხატვრო სკოლას ვახტანგ მამეიშვილის სახელი მიენიჭა
მეუფე იოსები ჟურნალისტებს: “ერთხელ თქვენც ამოგიყრით ღმერთი ფაილებს”
“მეგობრებო, ოქროს ღილაკით გადავედი პირდაპირ ფინალში!” – ალექსანდრე ზაზარაშვილი ამერიკული “ნიჭიერის” ფინალისტია
თიბისის ციფრულ ბანკში საჩუქრებია
ბახვი ჰესი უფროსკლასელებთან ერთად გურიაში ეკო-მეგობრული გარემოს შექმნაზე იზრუნებს
აქცია “ბოლო შანსი”, ორბი ჯგუფის ახალ პროექტში! პირველი 80 აპარტამენტი, მხოლოდ $19 500-ად უკვე აშენებულ Comfort by Orbi-ში! (R)
ბახვი ჰესი გზების მორწყვით სამუშაოებს ახორციელებს
