საქართველოს სტატისტიკის ეროვნული სამსახურის მონაცემებით, 2021 წლის მარტში წინა თვესთან შედარებით ინფლაციის დონემ საქართველოში 4.2%, ხოლო წლიური ინფლაციის დონემ 7.2% შეადგინა, რაც ბოლო ორი წლის განმავლობაში ყველაზე მაღალი მაჩვენებელია.
რაც შეეხება საბაზო ინფლაციას, აღნიშნულმა მაჩვენებელმა 2021 წლის მარტში, გასული წლის შესაბამის პერიოდთან შედარებით 6.9% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 6.6%-ით განისაზღვრა.
წლიური ინფლაცის დონე საქართველოში:
![](https://api.tabula.ge/files/inline-images/167628645_455877425618812_3908191037145180429_n_1.png)
ჯგუფებიდან, რომლებიც წლიური ინფლაციის ფორმირებაზე ძირითად გავლენას ახდენს, წინა წელთან შედარებით, ფასები 1-ის გარდა, ყველაში გაზრდილია.
![](https://api.tabula.ge/files/inline-images/168660318_5268833096523432_1127618081676539037_n_0.png)
წინა წელთან შედარებით, ჯანმრთელობის დაცვა 13.6%-ით გაძვირდა, რაც 1.03 პროცენტული პუნქტით აისახა წლიურ ინდექსზე. ფასები გაიზარდა სამედიცინო პროდუქციის, აპარატურისა და მოწყობილობის (21.3%-ით) და ამბულატორიული სამედიცინო მომსახურების (12%-ით) ქვეჯგუფებზე.