“ოპოზიციამ საოლქო საარჩევნო კომისია პროტესტის ნიშნად დატოვა”

“ოპოზიციამ საოლქო საარჩევნო კომისია პროტესტის ნიშნად დავტოვეთ” – განუცხადა “გურიის მოამბეს” “ევროპული საქართველოს” აქტივისტმა, მაია ქუჩიშვილმა.

ის კომისიის სხვა ოპოზიციურ წევრებთან და წარმომადგენლებთან ერთად ოზურგეთის საოლქო საარჩევნო კომისიის წინ მიმდინარე საპროტესტო აქციის მონაწილეებს შეუერთდა.

ოპოზიცია საპარლამენტო არჩევნებს გაყალბებულად მიიცნევს და ქვეყნის მასშტაბით მისი წარმომადგენლები შემაჯამებელ ოქმებს ხელს არ აწერენ.

“ბოლო ერთი კვირა ვესწრებით საქოლქო საარჩევნო კომისიის სხდომებს და ჩვენ თვითონაც გვქონდა საჩივარი შეტანილი საოლქო კომისიაში, საჩივარი არც კი განიხილეს არა თუ დააკმაყოფილა ან არ დააკმაყოფილა, მათ შორის სრულიად არაკანონიერად ოლქმა არც განიხილა საჩივრები.

შესაბამისად, როცა ამდენი ოქმი დგას კითხვის ნიშნის ქვეშ, ამდენი ოქმი არის დამახინჯებულად გადაწერილი, ოპოზიციური პარტიის კომისიის წევრებმა და მათ შორის წარმომადგენლებმაც დავტოვეთ საარჩევნო ოლქის სხდომა – ვინაიდან ვერ მივიღებდით მასში მონაწილეობას.

ჯერ ცხრა შემადგენლობით დარჩა ეხლა ოლქი, რომლებსაც ფორმალურადაც კი არ ყავთ მოწინააღმდეგე. არც დღის წესრიგთანაც არავის შენიშვნები არ აქვს, მაშინ როცა ზუსტად იციან რა დონის გაყალბებასთან გვქონდა საქმე და როგორ იყო ოქმები შედგენილი.

ეს იყო პირველი ჩვენი პროტესტი რომ მათ არც კი გაითვალისწინეს  ოპოზიციური პარტიის წარმომდგენლების მოთხოვნა.

პირდაპირ განაცხადეს, რომ გადაწყვეტილება მიღებულია ხმების საბოლაო დათვლა დამთავრებულია და დღეს წერენ შემაჯამებელ ოქმს, რომელიც სრულიად აბსურდია და აზრი არ აქვს ამ აბსურდში მონაწილეობის მიღებას” – გვითხრა ქუჩიშვილმა.

გააზიარეთ და მოიწონეთ სტატია: