“საერთაშორისო გამჭვირვალობა – საქართველომ” 2021 წლის 2 აგვისტოდან 12 სექტემბრის ჩათვლით საარჩევნო კამპანიის დაფინანსების საკითხები შეისწავლა. კვლევისთვის 13 საარჩევნო სუბიექტი შეირჩა, რომელსაც სახელმწიფო ბიუჯეტი აფინანსებს, ან წლის განმავლობაში მინიმუმ 100 000 ლარი შესწირეს.
TI-ის ცნობით, როგორც ჯამურად მიღებული შემოსავლების, ისე გაწეული ხარჯების მხრივ “ქართული ოცნების” ფინანსები ერთად აღებული დანარჩენი 12 პარტიისას თითქმის 2.5-ჯერ აღემატებოდა.
ორგანიზაცია წერს, რომ ეს პარტიებს შორის უკიდურესად არათანაბარ პირობებზე მიუთითებს და საარჩევნო გარემოს აზიანებს.
საარჩევნო სუბიექტების მიერ მიღებული შემოსავლები:
- 13-მა საარჩევნო სუბიექტმა 2 აგვისტოდან 12 სექტემბრის ჩათვლით მთლიანობაში 11 905 640 ლარის შემოსავალი მიიღო, ამ თანხის დაახლოებით 70% – 8 288 650 ლარი, მმართველ პარტიაზე – “ქართული ოცნება – დემოკრატიული საქართველო” მოდიოდა. 774 721 ლარით მეორე ადგილზე იყო “ერთიანი ნაციონალური მოძრაობა”, მესამეზე კი – საარჩევნო სუბიექტი “გახარია – საქართველოსთვის” 758,701 ლარით;
- ჯამურად მიღებული შემოსავლების 83% (9,873,431 ლარი) კერძო (შემოწირულებები და საბანკო სესხი) დაფინანსებაზე მოდიოდა და მხოლოდ 17% (1,955,996 ლარი) იყო სახელმწიფო დაფინანსება;
- 13 საარჩევნო სუბიექტიდან საანგარიშო პერიოდში შემოწირულება მხოლოდ 8 მიიღო ჯამში 9 373 431 ლარის ოდენობით, საიდანაც 7 837 030 ლარი (ყველა შემოწირულების 84%) მმართველ “ქართულ ოცნებაზე” მოდიოდა, 757 811 ლარით მეორე ადგილზე “გახარია – საქართველოსთვის”, ხოლო მესამეზე – 543,182 ლარით “ერთიანი ნაციონალური მოძრაობა” იყო;
- 13 პარტიის მიერ 2021 წლის 1 იანვრიდან 12 სექტემბრის ჩათვლით მიღებული შემოწირულებები, რამაც ჯამში 14 739 750 ლარი შეადგინა: 77% – 11 343 430 ლარი “ქართულ ოცნებაზე” მოდიოდა, მეორე იყო პარტია “საქართველოსთვის” 1 029 437 ლარით, ხოლო მესამე – “ლელო საქართველოსთვის” 956 556 ლარით;
- საბანკო სესხით საანგარიშო პერიოდში მხოლოდ ერთმა სუბიექტმა – “ევროპული საქართველო – მოძრაობა თავისუფლებისთვის” ისარგებლა, რომელმაც 8 სექტემბერს “ლიბერთი ბანკისგან” 12 თვის ვადით 500 000 რლარი ისესხა წლიური 14%-იანი განაკვეთით.
რაც შეეხება საარჩევნო სუბიექტების მიერ გაწეულ ხარჯებს – TI-ს ცნობით, 13-მა საარჩევნო სუბიექტმა 2 აგვისტოდან 12 სექტემბრის ჩათვლით სულ 10 926 299 ლარის ოდენობის ხარჯი გაწია, რომლის 70% – “ქართული ოცნებაზე” მოდიოდა, მეორე ადგილზე იყო “ლელო – მამუკა ხაზარაძე”, მესამეზე კი – “გახარია – საქართველოსთვის”.
საარჩევნო სუბიექტების მთლიანი ხარჯების 61% რეკლამაზე მოდიოდა.
მსგავსი სტატიები:
მთავარი არც სახელები და გვარებია, არც პარტიების სახელწოდებები, მთავარია ერთობა – ნიკა გვარამია
“”გული მაქვს დამძიმებული, ძალიან ცუდი მოლოდინი მაქვს”
“რა უნდა ქნას ბიძინამ ახლა”?
“ნიახური წამოაყოლეთ“– “სირცხვილია“ ღარიბაშვილის “მეორედ მოსვლას“ პარლამენტთან აქციით აღნიშნავს
ჩვენი ინფორმაციით, ბათუმში დაანონსებულ აქციას გურულებიც შეუერთდებიან
“ეს ქვეყანა ჩვენია!”- ოზურგეთში რიონის ხეობის მცველები იმყოფებოდნენ
ვაშაძე: გვაქვს ინოვაციური მიდგომები, აი, გარმონისებრი ბიულეტენი
აღარ ვიცი, როგორ ვიკავებ თავს, გაცოფებული ვარ! – ვახო სანაია