საოლქო საარჩევნო კომისიები 2 ოქტომბრის არჩევნებს შეაჯამებენ. შემაჯამებელი სხდომები 12:00 საათზე დაიწყება, შესაბამისად, მივმართავთ საარჩევნო პროცესებში ჩართულ მხარეებს ხელი შეუწყონ ამ პროცესის კონსტრუქციულ და მშვიდ გარემოში წარმართვას“,- ამის შესახებ ცესკო-ს სპიკერმა ნათია იოსელიანმა ბრიფინგზე აღნიშნა.
მისივე თქმით, დღეს, 20:00 საათზე ცესკოში გაიმართება სხდომა, სადაც კომისია შეაჯამებს თბილისის საკრებულოს პროპორციული სისტემით ჩატარებული არჩევნების და თბილისის მერის არჩევნების შედეგებს.
„დღეს, საოლქო საარჩევნო კომისიები 2 ოქტომბრის არჩევნებს შეაჯამებენ. შემაჯამებელი სხდომები 12:00 საათზე დაიწყება, შესაბამისად, მივმართავთ საარჩევნო პროცესებში ჩართულ მხარეებს, პოლიტიკური პარტიების წარმომადგენლებს, სადამკვირვებლო ორგანიზაციებს, მედიას, ხელი შეუწყონ ამ პროცესის კონსტრუქციულ და მშვიდ გარემოში წარმართვას, იმისათვის, რომ საოლქო საარჩევნო კომისიებმა საარჩევნო კანონმდებლობის სრული დაცვით შეძლონ შეჯამებისთვის შესაბამისი პროცედურების განხორციელება.
შეგახსენებთ, რომ 2 ოქტომბერს გამართულ არჩევნებთან დაკავშირებით, საოლქო საარჩევნო კომისიებში წარდგენილი საჩივრების განხილვა ყველა ინსტანციაში დასრულდა;
აქედან გამომდინარე, თითოეულ კომისიაში, შედეგები კანონიერ ძალაში შესული, ყველა ინსტანციის სასამართლოების გადაწყვეტილებების გათვალისწინებით შეჯამდება. როგორც კი საოლქო საარჩევნო კომისიები დაასრულებენ შეჯამების პროცესს, ჩვენ მოგაწვდით დეტალურ ინფორმაციას სხდომებზე მიღებული გადაწყვეტილებების თაობაზე.
ამასთან გაცნობებთ, რომ დღეს, 20:00 სთ-ზე ცესკოში გაიმართება სხდომა, სადაც კომისია შეაჯამებს თბილისის საკრებულოს პროპორციული სისტემით ჩატარებული არჩევნების და თბილისის მერის არჩევნების შედეგებს.
სწორედ სხდომაზე მიიღებს ცესკო გადაწყვეტილებას არჩევნების მეორე ტურის დანიშვნის თაობაზე და განსაზღვრავს 30 ოქტომბრის მეორე ტურის ორგანიზებისთვის აუცილებელ ღონისძიებებსა და ვადებს“, – აღნიშნა იოსელიანმა.
მსგავსი სტატიები:
“ბატონო ბიძინა, როდესაც მშიერი ბავშვები ცარიელ ქვაბებში ჩაიხედავენ…თქვენ მოგიკითხავთ”
” რას ეუბნებით თქვენს ამომრჩეველს, რომელიც ახლა ამას კითხულობს”?!-ექსპერტები ოპოზიციას
“თუ რაიმე შენიშვნა მაქვს ხელისუფლების მიმართ, ხალხის ყოფიდან გამომდინარეა”
ირაკლი ზარქუასა და ირაკლი მეძმარიაშვილს კორონავირუსი დაუდასტურდა
საპატრიარქომ უცნობის ანტიოპოზიციურ აქციას მადლობა გადაუხადა
“დილიდან ნაცებს ვეძებ და ვეღარ ვპოულობ,დამთავრდნენ ხო?”
ალეკო ელისაშვილი: “ჩემზე ამაყი და ბედნიერი კაცი იშვიათია”
“8 საათიანი ტანჯვა-წამების დღე” – გოცირიძე პრემიერის საპარლამენტო გამოსვლაზე