დიდი ბრიტანეთი მსოფლიოში გახდა პირველი ქვეყანა, რომელმაც გამოსაყენებლად დაამტკიცა Covid-19-ის სამკურნალო ანტივირუსული აბი, მოლნუპირავირი, რომელზეც ფარმაცევტული კომპანია Merck & Co. მუშაობდა.
მედიკამენტებისა და ჯანდაცვის პროდუქტების რეგულატორმა სააგენტომ (MHRA) გასცა რეკომენდაცია, გამოიყენონ მოლნუპორავირი Covid-19-ის ტესტის დადებითი პასუხის შემდეგ, რაც შეიძლება მალე, სიმპტომების გამოვლენიდან პირველ ხუთ დღეში.
ეს არის პირველი ანტივირუსული დასალევი მედიკამენტი, რომელიც კორონავირუსის სამკურნალოდ გამოიყენება. მას, სავარაუდოდ, მალე აშშ-ს მედიკამენტების რეგულატორიც დაამტკიცებს.
მედიკამენტმა სექტემბრის ბოლოს კვლევები წარმატებული შედეგებით დაასრულა.
მოლნუპირავირი არის მედიკამენტი, რომელიც ვირუსის რნმ-ს დააზიანებს და მის რეპლიკაციას ხელს შეუშლის.
კორონავირუსთან საბრძოლველად ამჟამად გამოყენებული მედიკამენტები, რომელთაგან ზოგი დიდ ბრიტანეთში სამკურნალოდაც დაამტკიცეს, განსხვავებულად მოქმედებენ. ისინი მონოკლონური ანტისხეულებით მზადდება. მონოკლონური ანტისხეულები არის ლაბორატორიაში დამზადებული პროტეინები, რომლებიც იმუნურ სისტემას ბაძავენ და ორგანიზმში არსებულ ანტიგენებს ებრძვიან. ამისგან განსხვავებით, ზემოხსენებული კომპანიების მედიკამენტების მიზანი უშუალოდ ვირუსთან გამკლავება და მისი ორგანიზმში გამრავლების შეჩერებაა.
მსგავსი სტატიები:
“ბავშვმა თავის დანაშაული გამოისყიდა ამით და ვსიო”- 14 წლის გოგონას ბაბუა
პირველად ისტორიაში მსო-ს დირექტორი ქალი გახდა
“ახლა არ გჭირდებით” – პლაკატები საფლავებზე გურიაში
მითები „ქართველების განსაკუთრებულ ნიჭიერებაზე“
20:00 საათიდან AstraZeneca-ს მეორე დოზაზე რეგისტრაცია დაიწყება
დისტანციური სწავლა გამოსავალი არ არის – თამარ გაბუნია მასწავლებლებსა და სკოლის პერსონალს ვაქცინაციისკენ მოუწოდებს
სექტემბერში სკოლებში სწავლა არ დაიწყება?! – „ვფიქრობდი ოქტომბრამდე, მაგრამ ჯობია ნოემბრის დასაწყისამდე…”
გაზის აფეთქება, დამატებითი სართულები, თუ სარემონტო სამუშაოები – კორპუსის ჩამონგრევის ვერსიები