“ააოხრა მდინარეები”-კარიერების დაუსრულებელი პრობლემა გურიაში

გურიაში მდინარეებიდან ინერტული მასალის მოპოვებით გარემო სთვის მიყენებულ ზიანზე ბოლო წლებია არა ერთი მწვავე წერილი გამოუქვეყნებია “გურიის მოამბეს”.

გარემოს დამცველები ორგანიზაციის წარმომადგენლების, განსაკუთრებით “ეკოს” ხელმძღვანელის, ირმა გორდელაძის მხრიდან , მსგავსი ვანდალიზმის გამო სამინისტროში რამდენიმე წერილიც გაიგზავნა, თუმცა მდინარეებზე მსგავსი სამუშაოები დღემდე მიმდინარეობს. მათ შორის ჩოხატაურშიც, რაზეც გორდელაძე დღეს კიდევ ერთ პოსტს ავრცელებს:

“ამ დილით ჩოხატაურში, მდინარე სუფსა- გუბაზოულის შესართავთან. ასე ხდება წიაღის მოპოვება. სადაა ჩოხატაურის ზედამხედველობის სამსახური? გარემოს დაცვის დეპარტამენტი? ეს ვანდალიზმი წლებია აქ მიმდინარეობს. მარტო მოგება გსურთ? პირდაპირ მდინარეში მოძრაობენ სატვირთოები. შპს “აკეთი” ააოხრა მდინარეები”- წერს ირმა გორდელაძე.

აღმოჩენილი არა ერთი დარღვევის მიუხედავად, გურიის მდინარეებზე წარმოებული სამუშაოები და უკონტროლოდ მიშვებული კომპანიები, მხოლოდ ერთზე მეტყველებს, როგორც ჩანს კარიერების მუშაობით ხელის მოთბობას არა მხოლოდ კონკრეტული კომპანიები, არამედ ხელისუფლების წარმომადგენლებიც ახერხებენ, სხვა შემთხვევაში აუცილებლად დაინტერესდებოდნენ, თუ რა რეალურ ზიანს აყენებს გარემოს და თავად მდინარეებს ინტენსიურად ძირის გამომთხრელი სამუშაოები.