საგანგებო სიტუაციების კოორდინაციისა და გადაუდებელი დახმარების ცენტრის ყოფილი დირექტორი ავთანდილ თალაკვაძე, რომელმაც თანამდებობა დატოვა, სოციალურ ქსელში პოსტს ავრცელებს და ყოფილ თანამშრომლებსა მიმართავს. “პრაიმტაიმნიუსი” პოსტს უცვლელად გთავაზობთ:
,,ალბათ, ბევრმა თქვენგანმა უკვე იცით ჩემი გადაწყვეტილების შესახებ – დავტოვე საგანგებო სიტუაციების კოორდინაციისა და გადაუდებელი დახმარების ცენტრის დირექტორის თანამდებობა.
უპირველეს ყოვლისა, მინდა ჩემს ყოფილ თანამშრომლებსა და კოლეგებს მივმართო.
ჩემთვის უდიდესი პატივი იყო თქვენთან ერთად მუშაობა და როდესაც ამას ვამბობ, მინდა იცოდეთ, რომ ყოველი სიტყვა ნამდვილია. მადლობას გიხდით იმისთვის, რაც ერთად, თავდაუზოგავი შრომით, მეგობრობითა და თანამშრომლობით შევძელით. მადლობას გიხდით პროფესიონალიზმისთვის.
ჩემო სასწრაფოს ეკიპაჟის წევრებო, აუცილებლად უნდა გამოვყო თქვენი ღვაწლი კოვიდ19-ის მართვის პროცესში და მადლობა გადაგიხადოთ პროფესიული თავდადებისთვის. მჯერა, ჩვენს დაწყებულ საქმეს, ახალ ხელმძღვანელთან ერთად, წარმატებით და ჩვეული მონდომებით განაგრძობთ და მაქსიმალურად დაეხმარებით ჩვენი ქვეყნის მოსახლეობას რთული პერიოდის გადალახვაში. დარწმუნებული ვარ, საქართველოს მთავრობა ყველაფერს გააკეთებს ვირუსზე გამარჯვების მისაღწევად. წარმატებას და ჯანმრთელობას გისურვებთ!”, – წერს ავთანდილ თალაკვაძე სოციალურ ქსელში.
ავთანდილ თალაკვაძემ ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრის დირექტორის თანამდებობა 28 ნოემბერს დატოვა.
მსგავსი სტატიები:
“ბიძინა ივანიშვილი არაფორმალური მმართველი არასდროს ყოფილა“-მდინარაძე
პარტია „ქართულ ოცნებაში“ ბევრი ახალი სახე იქნება-სერგეენკო
“ქართული ოცნება” 8 წელია სიყვარულით ემსახურება საზოგადოებას”
“რას დასტირით ამ ევროკავშირის დახმარებას, ბატონი ბიძინა დადებს იმ 60 მილიონს”
გიორგი გახარია თბილისის მერობისთვის ბრძოლას აპირებს
პოზნერი წინა წლებშიც ხშირად ჩამოდიოდა, მაგრამ ახლა აწყობდა ოპოზიციას ხმაურის ატეხვა- მდინარაძე
“როგორც ჩანს, საქართველოს მართვისთვის მზად იყო” ნაციონალური მოძრაობა”
“ე.წ. ოპოზიციონერები” – შალვა ნათელაშვილის სია