“ხოდა გვაქვს ახლა ჩვენ ჭკუა?” – ირმა გორდელაძე “მწვანე პასპორტის” გაუქმებაზე

ლიხაურის საჯარო სკოლის პედაგოგი და ბუნებადამცველი  ირმა გორდელაძე ” მწვანე პასპორტის” გაუქმებას  ეხმაურება და საკუთარ  ფეისბუკ გვერდზე წერს:

“მწვანე პასპორტის გაუქმების გამო, მოლა ნასრედინის ერთი ამბავი გამახსენდა:

გადაწყვიტა ხალხის გამოცდა და ერთ დღეს შეკრიბა დიდძალი მასა. შესძახა- იცით ხალხო რა უნდა გითხრათო? არაოო-იყო მასიდან პასუხი. არ იცით რა უნდა გითხრათ? მაშინ რატომ მოხვედით? გაბრუნდით სახლებშიო.

კარგა ხნის შემდეგ, ისევ შეკრიბა მოედანზე ხალხი და ჰკითხა-იცით ხალხო რაც უნდა გითხრათ? ამჟამად მასის პასუხი იყო-კი, კიიი.

მოლამ მაშინ უპასუხა ხალხს-თუ იცით რა უნდა გითხრათ, აქ რატომ მოხვედითო? წადით სახლებშიო!

ასე გამოსცადა ჭკვიანმა და მოხერხებულმა მოლა ნასრედინმა ხალხის მოთმინება და უგუნურება.

ხოდა გვაქვს ახლა ჩვენ ჭკუა?” – წერს გორდელაძე.