“ერთიანი ნაციონალური მოძრაობის” დეპუტატის, თინა ბოკუჩავას განცხადებით, უკრაინაში მიმდინარე საკითხებთან დაკავშირებით საგარეო საქმეთა მინისტრს, დავით ზალკალიანს პარლამენტში იბარებენ. მისი თქმით, კომიტეტის სხდომაზე სურთ განიხილონ ჩრდილოეთის, ბალტიის და შავი ზღვის ახალი თანამშრომლობის ფორმატში საქართველოს გაწევრიანების სტრატეგია.
“გვაქვს კიდევ რამდენიმე ინიციატივა, რომელიც დღეს გვინდა გავაჟღეროთ, ერთი ეს არის საგარეო საქმეთა მინისტრის, დავით ზალკალიანის დაბარება უახლოეს საგარეო ურთიერთობათა კომიტეტის სხდომაზე, უკრაინაში რუსული აგრესიის და დასავლეთის მხრიდან შეკავების ახალი არქიტექტურის ფონზე, რეგიონში იქმნება ახალი რეალობა და ეს არის დიდი შანსი, რომელიც საქართველომ უნდა გამოიყენოს, მაგრამ სამწუხაროდ, ჩვენ ვხედავთ სრულ უმოქმედობას ხელისუფლების მხრიდან”, – თქვა თინა ბოკუჩავამ.
მისი თქმით, ამ შემთხვევაშიც, ოპოზიციამ უნდა იტვირთოს ხელისუფლების ფუნქცია და დაიცვას ქვეყნის ეროვნული ინტერესები.
“უკრაინაში ვიზიტისას გადაწყდა საქართველო-მოლდოვა-უკრაინის ასოცირებული ტრიოს საპარლამენტო ფორმატის გააქტიურება და ერთობლივი ვიზიტების დაგეგმვა ბალტიის ქვეყნებში, უკრაინის რადას წევრებთან ერთად”, – თქვა მან.
ბოკუჩავას განცხადებით, მიხეილ სააკაშვილის საქმესთან დაკავშირებით საგამოძიებო კომისიის შექმნა რადაშიც განიხილება. გარდა ამისა, ენმ პარლამენტში აგრძელებს დეპუტატებთან კონსულტაციებს საგამოძიებო კომისიის შესაქმნელად.
მსგავსი სტატიები:
დედის შეურაცხყოფაზე პასუხის მოთხოვნა არ შეიძლება ვინმეს სკანდალად მიაჩნდეს -ყაველაშვილი
“და რა ატირებს ხოლმე ჩუმად ფანჯრისკენ შებრუნებულ დედაჩემს? რა თქმა უნდა, იმასაც ამსტერდამში უნდა”
ვაქცინის მესამე დოზა დაგვჭირდება – ამირან გამყრელიძე
საქართველოში COVID-ის კლინიკური მართვა უკეთ ხდება, ვიდრე ამერიკასა და ევროპის ბევრ ქვეყანაში – თენგიზ ცერცვაძე
ჩოხატაურში “რომპეტროლის” ბენზინგასამართი სადგური დააყაჩაღეს (ვიდეო)
“ამ ბოროტებასთან ზიარ სიცოცხლეს სიკვდილი მირჩევნია” – ირინა სარიშვილი
“ხვალ აქცია ერთდროულად 4 ადგილას გაიმართება… დაღლის და სახლში ჯდომის უფლება არ გვაქვს”… – ნიკა მელია სამოქმედო გეგმაზე
დღეიდან იზოლაციისა და კარანტინის წესები იცვლება | დეტალები