რა უქმდება საქართველოში დღეიდან 1 მარტიდან

1 მარტიდან საქართველოში რიგი ცვლილებები შევიდა ძალაში. მათი ნაწილი კოვიდ რეგულაციებს, ნაწილი ინსტიტუციებს, ნაწილი კი აზარტული თამაშების რეგულირებას შეეხება.

კოვიდ რეგულაციები

• პირველი მარტიდან საქართველოს საზღვარზე ყველა იმ ქვეყნის მოქალაქე შეძლებს PCR ტესტის ან ვაქცინაციის საფუძველზე შემოსვლას, რომელი ქვეყნებისთვისაც ამ დრომდე შეზღუდვები იყო დაწესებული;
• საქართველოს მოქალაქეები კი, რომლებიც ქვეყანაში შემოსვლისას არც ვაქცინაციის დამადასტურებელ საბუთს წარადგენენ და არც PCR ტესტის პასუხი ექნებათ, 8-ის ნაცვლად 5-დღიან იზოლაციას გაივლიან. ამასთან, PCR ტესტის საფუძველზე შემოსული მოქალაქეები გათავისუფლდებიან მესამე დღეს ტესტის ხელახლა ჩატარების ვალდებულებისგან;
• გაუქმდა ე.წ. კოვიდ-სასტუმროები;
• იცხვლება კვების ობიექტებში, დახურულ სივრცეში და ღია სივრცეში ერთ მაგიდასთან ნებადართული პირების რაოდენობა. დახურულ სივრცეში 6 ადამიანის ნაცვლად 10-ს შეეძლება დასხდომა, ღია სივრცეში კი – 10-ის ნაცვლად 15-ს;
• მოიხსნა  შეზღუდვა კვების ობიექტებში სტუმრების რაოდენობაზე;
  ნებარდართულია ქორწილების, ქელეხების და სხვა სოციალური ღონისძიებების გამართვა.

ინსტიტუციური ცვლილებები

• 1 მარტიდან ძალაში შევიდა საკანონმდებლო ცვლილებები, რომლებიც სახელმწიფო ინსპექტორის სამსახურის გაუქმებას და მის ნაცვლად სპეციალური საგამოძიებო და პერსონალურ მონაცემთა დაცვის სამსახურების შექმნას ითვალისწინებს.

აზარტული თამაშები

• სრულად იკრძალება როგორც ონლაინ, ასევე ფიზიკურ სივრცეში არსებული სათამაშო ბიზნესის რეკლამირება (თუმცა სპონსორობა კვლავ დაშვებული იქნება);
• სრულად იკრძალება 25 წლამდე პირებისთვის თამაში ასევე აზარტულ თამაშებში ჩართვა ეკრძალებათ საბიუჯეტო ორგანიზაციებში დასაქმებული პირებს მათ შორის, “საჯარო სამსახურის შესახებ“ საქართველოს კანონით გათვალისწინებულ სახელმწიფო მოსამსახურეს, საჯარო მოსამსახურეს, სახელმწიფო-პოლიტიკური თანამდებობის პირს, პოლიტიკური თანამდებობის პირს), „ეროვნული მარეგულირებელი ორგანოების შესახებ“ საქართველოს, კანონით გათვალისწინებულ მარეგულირებელ ორგანოებში დასაქმებული პირებს, „საქართველოს ეროვნული ბანკის შესახებ“ საქართველოს ორგანული კანონის შესაბამისად ეროვნულ ბანკში დასაქმებულ პირებს; სოციალურად დაუცველ მონაცემთა ერთიან ბაზაში რეგისტრირებული ოჯახის წევრებს აეკრძალებათ აზარტულ და მომგებიან თამაშობებში მონაწილეობის მიღება.
• ონლაინ სათამაშო ბიზნესის დაბეგვრის მექანიზმი იცვლება.

გააზიარეთ და მოიწონეთ სტატია:

მსგავსი სტატიები:

“ხელისუფლება ჯიუტად აგრძელებს პოლიტიკას მომავალი თაობის წინააღმდეგ” დამატებითი არდადეგები საჯარო სკოლებსა და ბაღებში – 30 აპრილიდან 13 მაისამდე საქართველოში სწავლა შეწყდება ივნისიდან კომუნალური გადასახადების გავლენა ინფლაციაზე კიდევ უფრო გაიზრდება – სებ-ი კოვიდრეგულაციების დარღვევის გამო დაწესებული გადაუხდელი ჯარიმები გაუქმდება ” ქართულ ფეისბუქს გადავხედე და უცებ მივხვდი, რომ ბიძინა ივანიშვილი არის ქართული პოლიტიკის დემნა გვასალია”-ზურაბ გურული “ამდენი ახსნა არ უნდა იმას, რომ საჭიროა აცრის გაკეთება…მარტო საკუთარ თავზე ხომ არ უნდა იფიქრო?”-ნანი ბრეგვაძე მენდელევი გურიის ნავთობზე ოზურგეთის ისტორიული მუზეუმი