“სამწუხაროდ, საქართველოს მთავრობას ამ დრომდე უცნაური პოზიცია აქვს, იმიტომ, რომ ერთი მხრივ ამბობენ, რომ უკრაინისთვის ლოცულობენ, მეორე მხრივ კი რუსეთთან სავაჭრო ურთიერთობებს აფართოვებენ და ცდილობენ, უკრაინის საკითხს ყველგან თავი აარიდონ. ასე გაგრძელება არ შეიძლება. ევროკავშირმა უკვე თქვა, რომ უკრაინისა და საქართველოს კანდიდატის სტატუსის მინიჭებაზე შეტანილ განაცხადს, ერთად არ განიხილავს. ეს ჯერჯერობით პირველი შედეგია. დღეს მთელ მსოფლიოს უნდა, რომ პრეზიდენტ ზელენსკის მიმართვას მოუსმინოს, თუ საქართველოს მთავრობას არ უნდა, მოუსმინოს უკრაინის ლიდერს, რომელიც სხვათა შორის, როგორც საკუთარ, ასევე საქართველოს მტერს ებრძვის, რომელსაც თქვენი ქვეყნის 20% აქვს ოკუპირებული, უცნაურია. აქ გადაწყვეტილება ქართველმა ხალხმა უნდა მიიღოს.
დიდი მადლობა ქართველ ერს, ვგრძნობ თქვენს მხარდაჭერას. იდექით უკრაინელი ერის გვერდით, გაგვიწიეთ ჰუმანიტარული დახმარება, ასევე, მოხალისეებს შეუძლიათ, ჩვენს მხარდამხარ იბრძოლონ.
რაც შეეხება საქართველოს მთავრობას, ვფიქრობ, ორიენტაცია აერია და კარგად და ვერ იგებს, ქვეყანა რა მიმართულებით მიჰყავს. ჩემი გადასაწყვეტი არ არის ვინ იქნება საქართველოს ხელისუფლებაში, თუმცა ის, რასაც საქართველოს მთავრობა აკეთებს, საქართველოს ინტერესებში არ შედის, უკრაინაზე ხომ საუბარი ზედმეტია”, – ასე გამოეხმაურა რადას დეპუტატი, ალექსეი გონჩარენკო “ქართული ოცნების” უარს პარლამენტში უკრაინის პრეზიდენტის, ვოლოდიმირ ზელენსკის მოსმენაზე.
მსგავსი სტატიები:
“დღევანდელი გადაწყვეტილება სახიფათოა ქართული დემოკრატიისთვის,”- სენატორი რიში მელიას საქმეზე
“ინტენსიურად თოვს, თუმცა რეგიონში შექმნილ პრობლემებს ვუმკლავდებით”- გურიის გუბერნატორი
“ომი არ დამთავრდებულა” – რას გააკეთებს, ციხიდან გამოსვლის შემდეგ, ბაჩო ახალაია? – ანი ნადარეიშვილი
წინანდლის ტყეში მესამე იარაღიც იპოვეს
“რა გვემართება მართლმადიდებლებს?…ნუთუ ისე ავცდით მაცხოვრის სწავლებას რომ, შიმშილობის მიზეზით, გნებავთ ცოდვილი ადამიანი კვდება და ვდუმვართ”-ბელგიისა და ჰოლანდიის ეპისკოპოსი
ოპოზიციონერი დეპუტატების დაკავება ოზურგეთში- ამ წუთებში ბესო ქათამაძე და შალვა თავდიშვილი დააკავეს
ბოლო 24 საათში, გურიაში კორონავირუსის-135 ახალი შემთხვევა დაფიქსირდა
არის თუ არა Telegram-ი უსაფრთხო?