არის თუ არა Telegram-ი უსაფრთხო?

Telegram-ი – პლატფორმა, რომელიც ინფორმაციის გაცვლისა და კომუნიკაციის კუთხით რუსეთ-უკრაინის კონფლიქტის დროს, ყველაზე დიდი ყურადრების ცენტრში მოექცა, დღეს კითხვებს აჩენს. არის თუ არა ეს აპლიკაცია უსაფრთხო? პასუხების ძიებისას ირკვევა, რომ რუსეთის მიერ უკრაინაში შეჭრის პირველივე დღეებში, უკრაინის პრეზიდენტმა ვოლოდიმერ ზელენსკიმ თანამემამულეებს ინტერვენციის შესახებ სწორედ ტელეგრამით აცნობა და მოუწოდა წინააღმდეგობა გაეწიათ რუსეთის თავდასხმისთვის. პარალელურად, რუსეთშიც უამრავი ადამიანი იყენებს აპლიკაციას და უკრაინის შესახებ სიახლეებსაც უმეტესად ტელეგრამზე ეცნობიან. Telegram-ის შესახებ  Euronews  წერს.

 

Telegram – ეს არის ჰიბრიდული პლატფორმა, რომელსაც აქვს როგორც პირადი ანუ ერთი-ერთზე საუბრის, ასევე ჯგუფური კომუნიკაციის შესაძლებლობა, სადაც შეიძლება 200,000-მდე წევრი იყო. გარდა ამისა, შესაძლებელია, ცნობილი ადამიანების გვერდების გამოწერა და სახელმწიფოს კონტროლირებადი მედიის ფარგლებს გარეთ ინფორმაციის მიღება, რაც რუსეთ-უკრაინის კონფლიქტის დროს ერთ-ერთი მთავარი იარაღია.

 

გარდა ამისა, Telegram-ს აქვს რამდენიმე ფუნქცია, როგორიცაა საიდუმლო ჩეთები, შეტყობინებების სინქრონიზაცია ყველა მოწყობილობაზე, აუდიოზარი, ვიდეოზარი, ფაილის გადაცემა და ბოტები. საიდუმლო ჩეთი არის ფუნქცია, რომელიც ანადგურებს შეტყობინებებს საუბრის დასრულების შემდეგ ყველა ჩართულ მოწყობილობაზე.

 

შესაბამისად, Telegram-ს აქვს უსაფრთხო რეპუტაცია, რადგან პლატფორმას ნაგულისხმევი არ აქვს ბოლოდან-ბოლომდე დაშიფვრა, რაც ნიშნავს იმას, რომ პლატფორმას არ შეუძლია იცოდეს მომხმარებლის შეტყობინებების შინაარსი, მაგრამ მაინც ფრთხილად უნდა ვიყოთ, რადგან არსებობს საშიშროება, რომ რუსეთის მთავრობამ მოუწოდოს Telegram-ს, გადასცეს მომხმარებლის ინფორმაცია. ეს უკვე მოხდა 2018 წელს, მაგრამ Telegram-ი შეეწინააღმდეგა რუსეთის ხელისუფლებას, რომელმაც კომპანიას სასამართლოში უჩივლა და აპლიკაცია ორი წლით აკრძალა, თუმცა მომხმარებელს ჯერ კიდევ ჰქონდათ წვდომა აპლიკაციაზე. ინფორმაციისთვის, რუსეთმა საქმე 2020 წელს გააუქმა.

რაც შეეხება დეზინფორმაციის გავრცელებას, გაუგებარია რამდენი მომხმარებელია რეალური და რამდენი ბოტი. Telegram-ზე უკვე დაფიქსირდა რამდენიმე ყალბი მომხმარებელი, რომლებმაც გააძლიერეს რუსეთის მთავრობის პოლიტიკის პროპაგანდა, თუმცა დეზინფორმაცია არ არის მხოლოდ Telegram-ის პრობლემა.

bm.ge

გააზიარეთ და მოიწონეთ სტატია:
Pin Share