უკრაინის ომბუდსმენი, ლუდმილა დენისოვა აცხადებს, რომ რუსული არმია ოკუპირებულ და ალყაში მოქცეულ დასახლებებს საკონცენტრაციო ბანაკებად აქცევს, სადაც მშვიდობიანი მოსახლეობა შიმშილობს.
მისი ინფორმაციით, რუსი ოკუპანტების დაბომბვის გამო მარიუპოლის მიდამოებში, მანგუშსა და მელექინოში გაქცეული ადამიანები შიმშილით იხოცებიან.
“ოკუპანტები არ უშვებენ ჰუმანიტარულ დახმარებას საკვებით, მედიკამენტებით, პირველადი მოხმარების ნივთებით. ქალაქ ჩერნიგოვი ჰუმანიტარული კატასტროფაა – არ არის დენი, არ არის სითბო, არ არის წყალი. ევაკუაციისა და ჰუმანიტარული დერეფნის შესახებ მოლაპარაკებები თითქმის ერთი კვირაა მიმდინარეობს, რასაც რასისტები არ თანხმდებიან.
ოკუპანტებმა ხერსონის რაიონში ჰუმანიტარული დახმარების მქონე 14 სატვირთო მანქანა არ შეუშვეს. 14 სატვირთო მანქანა ჰუმანიტარული დახმარებით იძულებული გახდა, დაბრუნებულიყო”,– წერს დენისოვა.
სახალხო დამცველის ცნობით, ჰუმანიტარულ ტვირთში ხერსონის რეგიონის მოსახლეობისთვის ყველაზე საჭირო იყო ჰიგიენური საშუალებები ბავშვებისა და მოზრდილებისთვის, კონსერვები, ხორცი, ნახევარფაბრიკატები, ბავშვთა საკვები.
“ბევრმა წამალმა რეგიონში ვერ მოაღწია, მათ შორის ინსულინმა, რომელიც ახლა ბევრ მცხოვრებს უკიდურესად სჭირდება. ჰუმანიტარული ტვირთი ვერ აღწევს ხარკოვის, ლუგანსკის, დონეცკის და კიევის რეგიონების დასახლებებში, სადაც ბრძოლები მიმდინარეობს”,– აღნიშნავს დენისოვა.
მისი შეფასებით, მშვიდობიანი მოსახლეობისთვის საკვებისა და მედიკამენტების ჩამორთმევა სხვა არაფერია, თუ არა წამება და ჟენევის კონვენციის პირდაპირი დარღვევა ომის დროს სამოქალაქო პირების დაცვის შესახებ, სამოქალაქო და პოლიტიკური უფლებების საერთაშორისო პაქტისა და ადამიანის უფლებათა ევროპული კონვენციის შესახებ.
“მოვუწოდებ საერთაშორისო თანამეგობრობას გადამწყვეტი ზომების მიღებისკენ რუსეთის ფედერაციის აგრესიის შესაჩერებლად, რათა აგრესორ ქვეყანას ვაიძულოთ დაასრულოს ომი უკრაინის ტერიტორიაზე”,– წერია ლუდმილა დენისოვას განცხადებაში.
tia.ge
მსგავსი სტატიები:
ნათია მეზვრიშვილმა თანამდებობა დატოვა
“საქართველო გვეცლება ხელიდან და მასთან ერთად ვიღუპებით ჩვენც”
სუბარი: პარალიზების უფლებას არავის მივცემთ, არც იმას გავიმეორებთ, რაც 2011-ის 26 მაისს მოხდა
შიმშილობის ფონზე სააკაშვილი, შეიძლება, ისე ცუდად გახდეს, ვერ მიუსწრონ, რეანომობილით რომ გადაიყვანონ – ექიმი
“ეს არის მშვიდობიანი შეკრება, როდესაც ადამიანები ვინმეს კი არ უპირისპირდებიან, პირიქით…პოზიტიურ ემოციას გამოხატავენ”-თურნავა ოცნების აქციაზე
ოზურგეთის საკრებულომ სახელფასო ფონდი ნახევარი მილიონი ლარით გაზარდა
„რუსეთ-უკრაინის ომში ჩინეთი გაიმარჯვებს“ – რას წერს უცხოური გამოცემა
“საქართველო ყოველთვის დგას, იდგა და მომავალშიც იქნება უკრაინელი ხალხის გვერდით…ზელენსკის განცხადების შეფასებისგან თავს შევიკავებ”-კალაძე