საერთაშორისო სავალუტო ფონდი (IMF) რუსეთ-უკრაინის ომთან დაკავშირებით ახალ ანგარიშს აქვეყნებს, სადაც საუბარია იმის შესახებ, თუ რა გავლენა ექნება კონფლიქტს მსოფლიოზე.
სავალუტო ფონდის ინფორმაციით, ომი არამარტო უშუალოდ ომში ჩართულ ქვეყნებზე, არამედ ევროპის რეგიონსა და მთელს მსოფლიოსაც მნიშვნელოვნად დააზარალებს. მათი პროგნოზით, უახლოეს მომავალში მოსალოდნელია გლობალური ეკონომიკური ზრდის შემცირება, ასევე, ფასებისა და ინფლაციის დონეების ზრდა.
IMF-ის ინფორმაციით, ფასების ზრდა განსაკუთრებით მოსალოდნელია ენერგორესურსებსა და საკვებზე. აღსანიშნავია, რომ მსოფლიოში ხორბლის საერთო ექსპორტის 30%-მდე უკრაინიდან და რუსეთიდან ხორციელდება. საომარი მოქმედებების გამო კი, შესაძლოა, აღნიშნულ ქვეყნებში ხორბლის მოსავალი მკვეთრად შემცირდეს.
ევროპა
სავალუტო ფონდის ინფორმაციით, რუსეთისთვის უპრეცედენტო რაოდენობის სანქციების დაწესება ევროკავშირის წევრი ქვეყნების ეკონომიკასაც დააზარალებს. მოსალოდნელია საკვებსა და ენერგორესურსებზე ფასების მნიშვნელოვანი ზრდა.
ამასთან, აღმოსავლეთ ევროპის ქვეყნებს მნიშვნელოვან ტვირთად დააწვება მიგრანტების კრიზისი. ბოლო მონაცემებით, უკრაინა 3 მილიონზე მეტმა ადამიანმა დატოვა და მათი რიცხვი ყოველდღიურად იზრდება.
კავკასია და ცენტრალური აზია
„ევროპის გარდა, რუსეთის მეზობელი ქვეყნები უფრო დიდ შედეგებს იგრძნობენ, რუსეთის ეკონომიკის რეცესიისა და სანქციებისგან. მჭიდრო ვაჭრობა და გადახდის სისტემის კავშირები შეზღუდავს ვაჭრობას, ფულად გზავნილებს, ინვესტიციებს და ტურიზმს, რაც უარყოფითად იმოქმედებს რეგიონის ეკონომიკურ ზრდაზე, ინფლაციაზე და საგარეო და ფისკალურ ანგარიშებზე“,- ნათქვამია IMF-ის განცხადებაში.
ფონდის ცნობით, ენერგორესურსების დეფიციტი და ინფლაციის დონის ზრდა კავკასიის რეგიონის ქვეყნებსაც ემუქრება.
bpn.ge
მსგავსი სტატიები:
“გახარიას მოუწევს უპასუხოს კითხვას, თუ რატომ ითამაშა მან სააკაშვილის თამაში”
კადრების კადრება – რის მიღწევას ცდილობს “ოცნება”
სახელმწიფო დაცვის თადარიგის პოლკოვნიკის მიმართვა-“მეგობრებო, ნუ შეასრულებთ პუტინის რუსეთის მონა მთავრობის უკანონო დავალებებს”
ქვეყანა, რომელიც კარებს უკეტავს ევროპას, კარებს უღებს რუსეთს-უგულავა
ვოლსკი უკრაინაზე: საქართველოს მხრიდან “ყიყლიყოს” წამოძახებასავით განცხადებები, აუცილებელი არ არის
პატარა საბჭოთა მოღვაწეა… ეს არის რეპრესიები ჩემი პოლიტიკური პოზიციის გამო – გიორგი გაგოშიძე წულუკიანზე
“ალტ-ინფო“ რუსული პოლიტიკის ღია პროპაგანდააა… ხვალ რომ საქართველო რუსეთთან ომში ჩაებას, ვის მხარეს იბრძოლებთ?” – ხუნდაძე “ალტ-ინფოს”
უკრაინამ და რუსეთმა ომის დასრულების მიზნით ნეიტრალიტეტის გეგმა შეიმუშავეს – Financial Times