საქართველოს მეორე პრეზიდენტი, ედუარდ შევარდნაძე თომა ჩაგელიშვილთან 1993 წელს, სამოქალაქო ომის პერიოდს იხსენებს, თუ როგორ გადაარჩინეს უკრაინელებმა საქართველო. გთავაზობთ ნაწყვეტს ძველი ინტერვიუდან:
„ძალიან შეგვავიწროვეს თავის დროზე დასავლეთ საქართველოში ზვიადის მომხრეებმა. დაიკავეს სენაკი, ზუგდიდი. ამ დროს, მე მოსკოვში ვიყავი და ელცინთან უკმაყოფილება მომივიდა. გადახაზა რუკა და მითხრა: “აქეთ შენ იყავი, იქით ისო“. რომ ჩამოვედი ფოთი აღებული იყო, დაუკავებიათ რუსებს, ჩეჩნებს… ადგილზე პატარა ქართული რაზმი იყო, საცოდავი ბიჭები შეშინდნენ და ტყეში გაიქცნენ, გადარჩნენ.
ამ საკითხზე ელცინისგან სასიკეთო რომ ვერაფერი მივიღე, დავურეკე უკრაინის მაშინდელ პრეზიდენტ კრავჩუკს. ვუთხარი, X-XII საუკუნიდან ვმეგობრობთ, ლავრა რომ ქართველებმა მოხატეს.. შევახსენე ჩვენი ისტორია.
ვუთხარი: ფოთი დავკარგეთ, მატარებლები და შესაბამისად პროდუქტები ვერ შემოვა, ყველაფერს ისინი აკონტროლებენ. ვუთხარი, რომ მერე ბათუმის დაკავებასაც აპირებდნენ. ასე ვუთხარი კრავჩუკს – ჩვენი მეგობრობის გულისთსვის თუ რამე შეგიძლია მომეხმარე.
-რა შემიძლია?
-ფლოტი გამოგზავნე და როგორც კი მოუახლოვდება ფოთს, ესენი შეშინდებიან და აიკრავენ გუდა ნაბადს.
-ელცინს ხომ არ დაურეკავ, ხომ არ შეგიძლია?
-ვერა, ისეთი რამ მითხრა ვერ დავურეკავ.
ამ საუბრის შემდეგ, საათნახევარში დამირეკა და მითხრა, ადმირალს მივეცი განკარგულება და ხვალ საღამოს, ან უკიდურეს შემთხვევაში ზეგ დილით ფოთში იქნება ფლოტიო.
მეორე დღესვე ჩამოვიდა ფლოტი ფოთში. ვინც ადგილზე იყო დაფრთხნენ და ქალაქი გაგვითავისუფლეს. ფლოტის მეთაურმა მითხრა „ბიჭები გამოყავით, ჩვენ დავიკავეთ ის პოსტები და დაიკავეთ ქალაქი, ჭიშკარი ღია გექნებათო“.
10 დღე დარჩა ფლოტი ადგილზე. ადრე უნდა გასულიყო, მაგრამ როდესაც საბოლოოდ დარწმუნდნენ, რომ მაგრად ვიდექით გვითხრეს – თქვენი ბიჭები ისე მაგრად დგანან უკვე საფრთხე არ არისო. აი, ასე გადაარჩინა უკრაინამ საქართველო.
ამის შემდეგ კრავჩუკს ვუთხარი, თუ ნებას მომცემ ჩემს მემუარებში ვახსენებ, როგორ გადაარჩინა უკრაინამ საქართველო მეთქი. შემომითვალა ბედნიერი ვარ, რომ შენ მე გაგახსენდი და ბედნიერი ვიქნები თუ ამ ფაქტის შესახებ იტყვიო. ეს ამბავი ხომ უკრაინელი და ქართველი ხალხის ისტორიაში დარჩებაო.
ეს იყო ისტორიული მოვლენა, აი ასე გადაარჩინა მაშინ უკრაინამ საქართველო.
ძლიერი და კარგი ხალხია, უკრაინელებს ქართველები უყვართ“, – იხსენებდა სამოქალაქო ომის დეტალებს ედუარდ შევარდნაძე.
მსგავსი სტატიები:
“გისურვებთ, მალე დაბრუნდეთ” –ნანუკა სააკაშვილს დაბადების დღეს ულოცავს
“ნეტა ნათქვამისთვის აზრის დატანებას ვისწავლიდეთ ოდესმე”
“ვინმეს თუ სჯერა ჩვენში, რომ ეს რეალურია, არაფერი უთხრათ,ერთი ოპტიმისტი მაინც ხომ უნდა დადიოდეს ქვეყანაში”
ბიძინა ივანიშვილს შვეიცარიული ბანკი უჩივის
ექსკლუზივი: გიორგი გახარიას პარტიიდან ოზურგეთის მერობის კანდიდატი, გია ცეცხლაძე იქნება
“სამწუხაროდ, ნაციონალური მოძრაობის პროვოკაცია ვერ ავირიდეთ თავიდან”-პაპუაშვილი დმანისზე
100 000 დოლარი ენმ-ს დატოვების სანაცვლოდ – გარდაცვლილი დეპუტატის, ნუგზარ ფუტკარაძის შვილის პირველი კომენტარი
ივანიშვილი არის ფილანტროპი, ცხადია, ძალიან გავლენიანი ქართველია – დეგნანი