ჯანდაცვის სამინისტროს ინფორმაციით, “რეცეპტების რეფორმის” ფარგლებში 11 აპრილიდან ექიმები ვალდებულები იქნებიან მედიკამენტები მხოლოდ გენერიკული დასახელებით გამოწერონ.
ჯანდაცვის სამინისტროს განცხადებით, თავად აფთიაქებიც ვალდებულები იქნებიან მომხმარებელს, რომელიც მათთან გენერიკული რეცეპტით მივა, შესთავაზონ სამი ყველაზე დაბალი ღირებულების ალტერნატივა, საიდანაც თავად მოქალაქე გადაწყვეტს რომელი მწარმოებლის და რა ღირებულების მედიკამენტი შეიძინოს. ცვლილება მეორე ჯგუფის მედიკამენტებს შეეხება.
“ფარმაცევტული სფეროს გამჭვირვალობის უზრუნველსაყოფად შექმნილი სამოქმედო გეგმა ჯანდაცვის მინისტრმა ზურაბ აზარაშვილმა ჯანდაცვის კომიტეტის თავმჯდომარეს დიმიტრი ხუნდაძეს, კომიტეტის წარმომადგენლებსა და სპეციალურად შექმნილ სამუშაო ჯგუფის წევრებს გააცნო. ჯანდაცვის კომიტეტმა და მოწვეულმა სტუმრება სამოქმედო გეგმა დადებითად შეაფასეს და აღნიშნეს, რომ ცვლილებები ფარმაცევტულ ბაზარს უფრო გამჭვირვალეს გახდის, ხოლო ხარისხიან მედიკამენტებზე ხელმისაწვდომობა მნიშვნელოვნად გაიზრდება.
სამოქმედო გეგმა, ჯანდაცვის სამინისტრომ, კონკურენციის სააგენტოს რეკომენდაციების, ჯანმრთელობის მსოფლიო ორგანიზაციის მიერ ჩატარებული კვლევის შედეგების, ადგილობრივი და უცხოელი ექსპერტების ჩართულობითა და საერთაშორისო გამოცდილების გათვალისწინებით შეიმუშავა.
11 აპრილიდან, ცვლილებები შეეხება ფსიქოტროპული მედიკამენტების გამოწერის წესსაც. ფორმა N2 რეცეპტი მატერიალური სახით (ქაღალდზე) აღარ გაიცემა და მისი გამოწერა მხოლოდ ელექტრონული ფორმით მოხდება,”- ნათქვამია სამინისტროს განცხადებაში.
მსგავსი სტატიები:
ოზურგეთის საზოგადოებრივი ჯანდაცვის ცენტრის ხელმძღვანელს კორონავირუსი დაუდასტურდა
შეიყვარე საკუთარი თავი – ნიშნავს, იყო ღმერთის მადლიერი მონიჭებული სიცოცხლისთვის — ლუიზა ჰეი
“ვაქცინაციამ პანდემია უნდა დაასრულოს, წლის ბოლომდე კი უნდა აიცრას ქვეყნის მოზრდილი მოსახლეობის 65%”
საგანგაშო სტატისტიკა – საქართველოში 10 404 მოზარდი განათლებას ვერ იღებს
აპრილში ეკონომიკის წლიური ზრდა 44,8% იყო – საქსტატის განმარტება
“მოვა დრო და მიკროსკოპის ქვეშ გატარდება ყველა მოქმედება..მთელი მსოფლიო აკვირდება ამჟამად საქართველოში მიმდინარე პროტესტს”- გურული
ფასები 12.8%-ით გაიზარდა – რა გაძვირდა და გაიაფდა ოქტომბერში
ქართული კინოსა და თეატრის მსახიობი ციალა გურგენიძე გარდაიცვალა