გურიაში სახელმწიფო რწმუნებულმა გიორგი ურუშაძემ ადგილობრივი ხელისუფლების ხელმძღვანელ პირებთან ერთად დაბა ურეკში მყოფი უკრაინის მოქალაქეები მოინახულა, რომლებსაც პირველადი მოხმარების ნივთები და საკვები პროდუქტები გადასცა.
,,ოზურგეთის მუნიციპალიტეტის დაბა ურეკში მოვინახულეთ უკრაინის მოქალაქეები, რომლებსაც საომარი მოქმედებების გამო მოუწიათ ქვეყნის დატოვება. მათ გადავეცით სხვადასხვა საკვები პროდუქტები და ნივთები, რომელიც ადგილობრივი მოსახლეობის მიერ იქნა შეგროვებული. მინდა, თითოეულ მოქალაქეს გადავუხადო განსაკუთრებული მადლობა მეგობარი უკრაინელი ხალხის დახმარებისათვის,“- აღნიშნა გურიაში სახელმწიფო რწმუნებულმა, გიორგი ურუშაძემ.
„დაბა ურეკში ის უკრაინული ოჯახები მოვინახულეთ, რომელთაც ომის გამო, საკუთარი ქვეყნის დატოვება მოუწიათ. კიდევ ერთხელ, გამოვხატეთ სოლიდარობა და მხარდაჭერა უკრაინის და უკრაინელი ხალხის მიმართ. ამ რთულ ვითარებაში, ჩვენ მეგობრების გვერდით ვდგავართ!“- აღნიშნა ოზურგეთის მერმა, ავთანდილ თალაკვაძემ.
ამ ეტაპზე, ურეკის ორ სასტუმროში 21 ოჯახი ცხოვრობს, რომლებიც საქართველოში თებერვლის ბოლოს ჩამოვიდნენ და მათი უმრავლესობა ქალაქ ხარკოვის მკვიდრია. საქართველო კვლავ განაგრძობს როგორც ომში მყოფი, ასევე, საქართველოში ჩამოსული უკრაინელი ხალხის მხარდაჭერას. უკრაინაში უკვე გაიგზავნა ჰუმანიტარული დახმარების მეორე ეტაპის ფარგლებში შეგროვებული ტვირთი.
მსგავსი სტატიები:
რომელია 8 ყველაზე ძვირად ღირებული ქსოვილი მსოფლიოში
დეკანოიძე: როცა პარტიის თავჯდომარე ციხეშია, ვერ იქნება ჩვენი გადაწყვეტილება სრულფასოვანი
“მთავარის” ინფორმაციით, კულუარებში ღარიბაშვილის გადაყენებას და კუჭავას გაპრემიერებას განიხილავენ
“ეს შეუმდგარი არარაობები, “მიშმადიდებლები” არიან… დღემდე მიშას მისტირიან”…
საპატრიარქო განცხადებას ავრცელებს
საგანმანათლებლო და სააღმზრდელო დაწესებულებებთან თამბაქოს ნაწარმის რეალიზაციაზე ჯარიმები იზრდება
“არ გაბედოთ და არ ჩაფარცხოთ ბიჭების გარდაცვალების საქმეები” – რას წერს ბესო ქათამაძე
ხმაური ალტ ინფოს ჩოხატაურის ოფისთან – მოქალაქეები ოფისის გახსნას აპროტესტებენ