დნესტრისპირეთში რუსეთის ჯარის ოპერატიული ჯგუფები მოყვანილია სრულ საბრძოლო მზადყოფნაში

არაღიარებულ დნესტრისპირეთში რუსეთის ჯარის ოპერატიული ჯგუფები მოყვანილია სრულ საბრძოლო მზადყოფნაში. ამის შესახებ უკრაინის შეიარაღებული ძალების გენერალური შტაბი 18:00 საათისთვის არსებულ მონაცემებზე დაყრდნობით იუწყება.

„მოლდოვას რესპუბლიკის არაღიარებული დნესტრისპირეთის რეგიონში რუსეთის ჯარების ოპერატიული ჯგუფები მოყვანილია საბრძოლო მზადყოფნაში, ძალოვანი სტრუქტურები გადაყვანილია გაძლიერებულ სამსახურზე“ , – აღნიშნულია ინფორმაციაში.

ცნობისთვის, უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა დღეს განაცხადა, რომ რუსეთს დნესტრისპირეთის დესტაბილიზაცია სურს და მიუთითებს იმაზე, რომ მოლდოვა „სტუმრებს“ უნდა ელოდოს.

მისი თქმით, თუ უკრაინა დაეცემა, რუსული ჯარები ხვალ მოლდოვის დედაქალაქს მიადგება.

ამასთან, მოლდოვამ ​დნესტრისპირეთის რეგიონში აფეთქებების სერიის შემდეგ უსაფრთხოების ზომები გააძლიერა. ქვეყნის პრეზიდენტმა მაია სანდუმ 25 მარტს სეპარატისტულ რეგიონში მომხდარი აფეთქებები მიაწერა “დნესტრისპირეთის სხვადასხვა ჯგუფებს შორის შიდა უთანხმოებებს, რომლებსაც სიტუაციის დესტაბილიზაციის ინტერესი აქვთ”.

გააზიარეთ და მოიწონეთ სტატია:

მსგავსი სტატიები:

პაატა ბურჭულაძე არ გამორიცხავს, რომ პოლიტიკაში დაბრუნდეს “ოცნების” ამომრჩეველს “ნაცმოძრაობა” დემონებად მიაჩნიათ და პირიქით” თბილისში 7 თვის ორსული გარდაიცვალა ვიდეო: ჟურნალისტებს გაქცეული ჩოხატაურის პოლიციის უფროსი კაბინეტში ჩაიკეტა ყირიმ-კონგოს ცხელებით ინფექციურ საავადმყოფოში პაციენტი გარდაიცვალა მაჟორიტარული ოლქები; ოზურგეთის მუნიციპალური საკრებულოს არჩევნები; ბადრი ჯაფარიძე საკრებულოს მანდატს ტოვებს “ჩვენი თავდაცვის ფრონტის ხაზი რუსი ჯარისკაცების გვამებითაა სავსე”