ოზურგეთის მუნიციპალიტეტის მერიის კულტურის სამსახურის უფროსმა მარინა ჯაფარიძემ რამდენიმე დღის წინ იუბილე იზეიმა. სოციალურ ქსელში გამოქვეყნებული პოსტით ირკვევა, რომ ჯაფარიძემ დაბადების დღის გადახდა რომანტიულ გარემოში გადაწყვიტა: „ესეც ჩემი პანდემიურ-კორონულ-იზოლაციური BD. p.s.ცხოვრებაში ერთხელ ხომ უნდა გქონდეს იზოლაციურ – დისტანციური დაბადების დღე! ჰოდა, აია მაი!“, _ ასეთი ტექსტით გამოაქვეყნა ფოტოები და ვიდეოები ჯაფარიძემ. ფოტო-ვიდეო მასალაში ჩანს, რომ მეუღლესთან ერთად ზღვაზე განმარტოებით წასულმა ჯაფარიძემ თევზი შეწვა, სავარაუდოდ სახლიდან წაღებული ქათამიც დააგემოვნა და კარგადაც გაერთო. ახლა, ვიღაც იკითხავს მერე რა მოხდა და თქვენ ვინ გეკითხებათო _ არც არაფერი მომხდარა და არც არაფერი დაშავებულა. უბრალოდ, ჯაფარიძეს იმის აღნიშნვნა დაავიწყდა, რომ ზღვის ნაპირზე, რომანტიულ გარემოში დაბადების დღის აღნიშვნის ინსპირაცია ბერას და ნანუკას ინსტაგრამიდან წამოვიდა. ვიღაცამ ვიღაცას რომ მიბაძოს არც ესაა დანაშაული, მაგრამ თუ პირველწყაროს არ დავივიწყებთ, ეს უკეთესი იქნება…. ჩვენს ქვეყანაში ხომ პირველწყაროს დასახელება არავის უყვარს… ჩვენ კი მასე არ ვფიქრობთ და ამიტომაც ავღნიშნეთ ეს ამბავი… სხვა არაფერი… ვულოცავთ მარინა ჯაფარიძეს იუბილეს და მომდევნო დაბადების დღის აღნიშნას მალდივებზე ვუსურვებთ.
მსგავსი სტატიები:
როგორ ემზადება გურიის რეგიონი 2021 წლის შესახვედრად და რაში დაიხარჯება საახალწლოდ გამოყოფილი შეზღუდული ბიუჯეტი
რატომ გადაიფიქრა ივანიშვილმა ლანჩხუთის ჯანდაცვის ცენტრის რეაბილიტაცია, რომელიც დახურვის პირასაა
“მშობლებმა არ იციან, ინტერნეტი შეუძინონ შვილებს თუ საკვები”- ლადო აფხაზავა
“უკომენტაროდ”-ჩოხატაურის მერი ბრალდებებს არ პასუხობს
4-ჯერ მეტი თანხა ერთ ცალ ყაბალახში-როგორ იხარჯება ბიუჯეტის ფულები ლანჩხუთში
“კაცი არსაიდან” _ ვინ არის გურიის გუბერნატორი, რომელმაც უკვე მოადგილეც შეარჩია
“ქართული ოცნების” შტაბს დავით დარჩია უხელმძღვანელებს – მერაბ ჭანუყვაძე წავიდა?
,,დიდებული ამბავია… გაგიმარჯოთ ჩემო გურულებო!” – კონსტანტინე გამსახურდია
