ზაალ უდუმაშვილი “ნაციონალურ მოძრაობას” ტოვებს და მედიაში ბრუნდება

როგორც უდუმაშვილმა ბრიფინგზე განაცხადა, მედიაში დაბრუნების გადაწყვეტილება მიიღო, რადგან მისი შეფასებით, დღეს „დამოუკიდებელ მედიას საფრთხე ემუქრება“. უდუმაშვილს არ დაუკონკრეტებია მედიასაშუელება, სადაც საქმიანობას გააგრძელებს, თუმცა აღნიშნა, რომ “ძალიან მალე ეთერში შევხვდებით”:

„ეს იყო მართლაც უდიდესი გამოცდილება ჩემს ცხოვრებაში და დიდი პატივი, რომ ბრძოლის წინა ხაზზე ვყოფილიყავი და გამევლო ყველა ის სირთულე, რომელიც ამ პარტიამ მთელი ამ წლების განმავლობაში გაიარა. ვიქნები სუბიექტური და განსაკუთრებული მადლობა მინდა გადავუხადო თბილისის ორგანიზაციას, რომელთან ერთადაც ეს წლები ძალიან ახლოს გავატარე. დიდი პატივი იყო თქვენთან ერთად ყოფნა. დარწმუნებული ვარ, სწორედ „ნაციონალური მოძრაობა“ იქნება ის პარტია, რომელიც თავის გადამწყვეტ სიტყვას იტყვის მომავალში, როდესაც ამ ქვეყანაში აუცილებლად განხორციელდება ცვლილებები, შეიცვლება რეჟიმი და ეს ძალიან მალე მოხდება. რა თქმა უნდა, „ნაციონალური მოძრაობა“ ამ ცვლილებების ფლაგმანი იქნება.

ვფიქრობ, დღეს მთავარი ბრძოლის ხაზი მედიაზე გადის. ისევე, როგორც არასდროს, დღეს თავისუფალ სიტყვას, დამოუკიდებელ მედიას საფრთხე ემუქრება და ეს კარგად დაგვანახა იმ ბოლო მოვლენებმა, რომელიც მედიაში ვითარდება. ამიტომ მე, ჩემი გამოცდილებიდან გამომდინარე, მივიღე გადაწყვეტილება, რომ მედიაში დავბრუნდები. ბრძოლის ველიდან არ გავდივარ, ბრძოლის ხაზზე ვრჩები, თუმცა დისლოკაციის ადგილს ვიცვლი. ვიცი წინასწარ, რა იქნება მთავარი შეკითხვა,თუ სად მივდივარ, მაგრამ ამ ეტაპზე მეტ კონკრეტიკას ვერ გავაკეთებ იმიტომ, რომ გარკვეულ წესებს ვიცავ. გპირდებით,რომ ძალიან მალე ეთერში შევხვდებით“,- განაცხადა უდუმაშვილმა.

გააზიარეთ და მოიწონეთ სტატია:

მსგავსი სტატიები:

“ხმების ქურდი რუსი ოლიგარქი” – სტენსილის გამო ორი აქტივისტი 1000-1000 ლარით დააჯარიმეს ასკურავა: როგორ შეიძლება ეს პარლამენტი ხალხის ნებას გამოხატავდეს? კრწანისის რაიონში დაპირისპირების შედეგად 1 ადამიანი დაიღუპა, 3 კი დაიჭრა კონსტანტინე შარაშენიძე ოზურგეთის მერობისათვის კვლავ დამოუკიდებლად იბრძოლებს “არავის ისე არ გაუთელია ფეხქვეშ “კაიბიჭობის” ინსტიტუტი როგორც ქოცებს” – ოქრუაშვილი რა დაგიჯდებათ საშუალოდ საახალწლო სუფრის მომზადება? “მითი “რუსეთის უძლეველობისა” უნდა გაქარწყლდეს…რუსეთი ოკუპანტია!”-ირმა გორდელაძე კადიროვის ოჯახი დუბაიში ისვენებს