“ძალიან მადლობელი ვარ ევროპის მხრიდან ასეთი აღიარებისა და სოლიდარობისთვის”- მიხეილ სააკაშვილი EPP-ს ყრილობაზე

საქართველოს მესამე პრეზიდენტი, მიხეილ სააკაშვილი მორიგ წერილში “ევროპის სახალხო პარტიის” გუშინდელ ყრილობასა და სიმბოლურ ჟესტს ეხმაურება. ის წერს, რომ რაც გუშინ როტერდამში მოხდა უპრეცედენტო შემთხვევაა ქართველი და უკრაინელი პოლიტიკოსებისთვის.

მიხეილ სააკაშვილი ევროპას მადლობას უხდის აღიარებისა და სოლიდარობისთვის.

ჯანმრთელობის მდგომარეობის გამო, სოციალურ ქსელებში სათანადოდ ვერ ვაქტიურობ, მაგრამ გადავწყვიტე, ამ თემას გამოვეხმაურო.

გუშინ, ევროპის ყველაზე გავლენიანი სახალხო პარტიის ყრილობა ვნახე, რომელსაც როტერდამში ნიდერლანდების პრემიერმინისტრი, მარკ რუტტე მასპინძლობდა და რომელსაც ესწრებოდა ევროპის მრავალი სახელმწიფოს ლიდერი.

პარტიის თავმჯდომარემ, ევროპის ერთ-ერთმა ყველაზე გამოჩენილმა პოლიტიკოსმა, დონალდ ტუსკმა თავისი სიტყვის დასასრულს ჩემი მიმართვა წაიკითხა. ჩემი სკამი სიმბოლურად პირველ რიგში დადგეს იულია ტიმოშენკოს სკამის გვერდით. იულია ზუსტად ასევე უსამართლოდ იყო დაპატიმრებული უკრაინაში იანუკოვიჩის მიერ და ტყვეობიდან მაიდანმა დაიხსნა.

ის, რაც გუშინ მოხდა როტერდამში ჩემთან მიმართებით, უპრეცედენტო შემთხვევა იყო ქართველი და უკრაინელი პოლიტიკოსებისთვის (და მე ვარ ქართველი პოლიტიკოსი და უკრაინის მოქმედი თანამდებობის პირი ერთდროულად).

ძალიან მადლობელი ვარ ევროპის მხრიდან ასეთი აღიარებისა და სოლიდარობისთვის.

 

ჩემი პოზიცია დღესავით ნათელია – მიუხედავად იმ დიდი უბედურებისა, რაც საქართველოს დაატყდა თავს ოლიგარქიული რეჟიმის სახით, მიუხედავად ჩვენი უკანონო და უსამართლო ტყვეობისა, საქართველომ უნდა გააგრძელოს ევროკავშირისკენ სვლა. სრულიად უადგილოა თურქეთის მრავალწლიან კანდიდატობასთან შედარება. ყველა პატარა ქვეყანა, რომელიც კანდიდატი ხდებოდა, საკმაოდ მალე გახდა ევროკავშირის წევრი. ჩვენ აუცილებლად გავხდებით ევროკავშირის წევრი!” – წერს მიხეილ სააკაშვილი.

ევროპის სახალხო პარტიის ყრილობაზე, სადაც მიხეილ სააკაშვილი მიწვეული იყო გუშინ დარბაზში მისი ცარიელი სკამი იდგა. ყრილობაზე სიტყვით “ნაციონალური მოძრაობს” თავმჯდომარე, ნიკა მელია გამოვიდა. პარტიის თავმჯდომარე, დონალდ ტუსკმა კი მესამე პრეზიდენტის წერილი წაიკითხა.

გააზიარეთ და მოიწონეთ სტატია:

მსგავსი სტატიები:

კორტების ტერიტორიაზე სპორტული კომპლექსის მოსაწყობად აუქციონი გამოცხადდება “გაერთიანებული სამეფო მომავალშიც მტკიცედ დაუჭერს მხარს საქართველოს ტერიტორიულ მთლიანობას” მსოფლიოში კოვიდი 120 მილიონზე მეტმა ადამიანმა დაამარცხა სადაც წაეწევით ჟურნალისტებს სცემეთ, ეს გზავნილი გაუშვა ხელისუფლებამ – ინგა გრიგოლია ნუ გამომაპარებთ მაგ ამბავს – ლალი მოროშკინა “საკანში ბევრი ვიტირე ამ წერილების წაკითხვისას” – მიხელ სააკაშვილი მასწავლებლების წერილებსა და გელა ჩარკვიანზე პესკოვი ე.წ. რეფერენდუმზე: რუსეთს არაფერი მოუმოქმედებია რუსეთი EU-ს აფრთხილებს, რომ სანქციებს უპასუხოდ არ დატოვებს