უკრაინის პრეზიდენტის ოფისის მრჩეველმა, მიხაილო პოდოლიაკმა ფორმულას ეთერში ქართული ოცნების წევრების განცხადებები შეაფასა, რომელიც მის მიმართ იქნა გაკეთებული. პოდოლიაკმა ამას “ქუჩური საუბარი” უწოდა.
გადაცემა საიანასთვის მიცემულ ინტერვიუში პოდოლიაკს ჰკითხეს, გაეცნო თუ არა მმართველი გუნდის წარმომადგენლების განცხადებებს, რომელიც მასზე კეთდებოდა, მათ შორის თბილისის მერის კომენტარს.
“რაში მჭირდება ეს. არსებობს ასეთი ცნება, მაღალკულტურული ინტელექტუალური ადამიანი. როდესაც ეს სუბიექტები ქუჩურად ლაპარაკობენ, ამის წაკითხვა არ არის აუცილებელი. მე არ ვიცი, როგორ აძლევთ ხმას ასეთ ადამიანებს, რომლებიც ამ ტონით ლაპარაკობენ. ეს თქვენი შიდა არჩევანია. თქვენ შეიძლება აირჩიოთ ისინი, რომლებიც ნაკლებად განათლებული ადამიანების სტილში საუბრობენ. თუ თქვენ მოგწონთ, პრობლემა არა. მომხრე ვარ ორივე ხელით. ეს თქვენი შიდა პოლიტიკაა. შეუძლიათ ილაპარაკონ, მაგრამ როცა ომი დასრულდება, საერთაშორისო პლატფორმებზე ჩვენ ერთმანეთს დავუსვამთ კითხვებს: თქვენ ხომ ასე ლაპარაკობდით, ხომ მაგარი ბიჭები ხართ, მაშინ აგვიხსენით, ასე რატომ მოქმედებდით? მერე ვისაუბრებთ. ახლა აქ ადამიანებს ხოცავენ და იძულებული ვარ ვუსმინო იმ ადამიანებს, რომელთაც არ შეუძლიათ საკუთარი აზრების არგუმენტირება მოახდინონ”, – თქვა პრეზიდენტის ოფისის მრჩეველმა.
როგორც იგი ამბობს, საქართველოსა და უკრაინის მთავრობებს შორის ურთიერთობა არის და გარკვეული საკითხებიც განიხილება, თუმცა ამჟამად ომის დროს რეპუტაციულ აღქმაზეა საუბარი.
“შემდგომში ვერ გვეტყვიან, რომ მხარს გიჭერდით. როგორ გვიჭერდით მხარს, როცა ქალაქები იბომბებოდა, კარგ ფრაზებს ამბობდი, რომ კარგები ვართ? ანუ ჩვენ საავიაციო დარტყმების ქვეშ უნდა ვუსმინოთ ბიჭებს, რომლებიც თბილისში ბორჯომს სვამენ? ყველაფერს მოგვიანებით განვიხილავთ. ისტორია აქცენტებს სათანადოდ განალაგებს”, – აღნიშნა პოდოლიაკმა.
მსგავსი სტატიები:
“ხელიდან გამოგვეცალა ხვალინდელი დღის იმედი”
ელენ პეიჯის მოულოდნელი განცხადებით, ამიერიდან ის ტრანსგენდერია და მისი სახელი ელიოტია
,,გურული გენერლები”-ირაკლი მახარაძე
“ინდური შტამი” ქვეყანაში ინფექციის შემთხვევების მატების რისკს ქმნის
“კვირის ბოლოს ჯანდაცვის სამინისტრო საკოორდინაციო საბჭოს ახალი რეკომენდაციებით მიმართავს”
შალვა თავდიშვილი ტიტე მგელაძესთან სავარაუდოდ დამარცხდა
საახალწლო პრემიერა ოზურგეთის თეატრში
უკრაინიდან ლტოლვილი ადამიანების რაოდენობამ 1,2 მილიონს გადააჭარბა