“კანონი აღარ მოსწონთ?- გაანადგურებენ, პრეზიდენტი აღარ მოწონთ? – ჩადებენ მიწაში, ევროკავშირი აღარ მოწონთ? – საქართველოში ომის გამჩაღებლობას დააბრალებენ”-უსუფაშვილი

კანონი აღარ მოსწონთ?- გაანადგურებენ, პრეზიდენტი აღარ მოწონთ? – ჩადებენ მიწაში, ამერიკა აღარ მოწონთ? – ამერიკამ თურმე კონსპირაცია დაგეგმა ივანიშვილის წინააღმდეგ – ყველას და ყველაფერს გადაუვლიან, რაც მათ ვიწროპოლიტიკურ ინტერესს ეწინააღმდეგება, – ამის შესახებ ჟურნალისტებთან “ლელოს” ლიდერმა დავით უსუფაშვილმა “ქართულ ოცნებაზე” საუბრისას განაცხადა.

უსუფაშვილი გამოეხმაურა განცხადებას იმის თაობაზე, რომ შესაძლოა ცესკო-ს თავმჯდომარის არჩევის მოქმედი წესი გადაიხედოს და აღნიშნა, რომ ამგვარი განცხადებები არ უკვირს, რადგან “ქართული ოცნება” მზად არის ყველაფერი “მიწასთან გაასწოროს”, რაც მათ ინტერესებს არ შეესაბამება.

“ოცნება” სწორს ლაპარაკობს თუ არასწორს? – არასწორს ლაპარაკობს და კიდევ უფრო არასწორს აკეთებს! როგორც კი მიადგება რაიმე ისეთ საკითხს, რომელიც მათ ძალიან ვიწრო, ავტორიტარულ, პერსონალურ-ეგოისტურ მიზნებს არ შეესაბამება, მზად არიან მიწასთან გაასწორონ ყველაფერი: კანონი აღარ მოსწონთ?- გაანადგურებენ, პრეზიდენტი აღარ მოწონთ? – ჩადებენ მიწაში, ევროკავშირი აღარ მოწონთ? – საქართველოში ომის გამჩაღებლობას დააბრალებენ, ამერიკა აღარ მოწონთ? – ამერიკამ თურმე კონსპირაცია დაგეგმა ივანიშვილის წინააღმდეგ. აი, აქამდე არიან დასული, ყველას და ყველაფერს გადაუვლიან თუკი ის, მათ ვიწროპოლიტიკურ ამ წამიერ ინტერესს ეწინააღმდეგება. ამიტომ არ მიკვირს ამ ტიპის განცხადებები,”- განაცხადა უსუფაშვილმა.

ცნობისათვის, გუშინ საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა ცესკო-ს თავმჯდომარის 2/3- ით არჩევის წესთან დაკავშირებით ჟურნალისტებთან განაცხადა, რომ „ზოგიერთი თავსმოხვეული კანონი მანკიერია“ და შესაძლოა, მის შეცვლაზე იმსჯელონ. დღეს იურიდიულ საკითხთა კომიტეტის თავმჯდომარე ანრი ოხანაშვილმა განაცხადა, რომ თეორიულად შესაძლებელია ცესკოს თავმჯდომარის არჩევის წესზე “ოდესღაც იმსჯელონ”, მაგრამ დღეს ეს საკითხი არ განიხილება.

გააზიარეთ და მოიწონეთ სტატია:

მსგავსი სტატიები:

ივანიშვილი ხანდაზმულ კაცს პოლიტიკურად შეკერილი საქმით სასიკვდილოდ იმეტებს – ნიკა გვარამია მელაშვილის დაკავებაზე ბოდიშს ვუხდი მათ, ყველანი ვართ დამნაშავეები- ბუბა კიკაბიძე კარტოგრაფების საქმეზე ,,ამ ფორმით ივანიშვილმა მისი მთავარი გზავნილი გაგზავნა…” – ზვიად კუპრავა “5 ივლისი ეს იყო ყველაზე ბანძი, ბოროტი დღე, როცა ძალადობის ლეგალიზება მოხდა” “აღარ ენდობიან ქალბატონ ზურაბიშვილს და ვარაუდობენ, რომ შეიძლება შეიწყალოს ბატონი სააკაშვილი…ბრალი 2 წუთში მოუხსნას”-ნიკა მელია “FREEMISHA” – მოძრაობა “საქართველოსთვის” თავისუფლების მოედანზე აქცია-პერფორმანსს მართავს პროკურატურა ნიკა გვარამიას აცილებას ითხოვს – სასამართლო სხდომის დეტალები “ღარიბაშვილმა პოლონეთის საგარეო საქმეთა მინისტრს უთხრა, რომ ზელენსკიმ სააკაშვილი ხელისუფლების დასამხობად გამოგზავნა”