Financial Times-ის ცნობით, საუდის არაბეთის ერთ-ერთმა წამყვანმა კომპანიამ რუსეთის ენერგოკომპანიებში 500 მილიონი დოლარის ინვესტირება მოახდინა. მედიის ცნობით, ინვესტიცია უკრაინაში ომის დაწყებამდე ცოტა ხნით ადრე და ომის დაწყების შემდეგაც განხორციელდა.
მიუხედავად იმისა, რომ დასავლეთის ქვეყნებმა რუსეთს სანქციები დაუწესეს, კომპანია Kingdom Holding-მა თანხა “გაზპრომში”, “როსნეფტსა” და “ლუკოილში” დააბანდა.
კომპანია Kingdom Holding-ი საუდის არაბეთში ერთ-ერთ ყველაზე მსხვილ საინვესტიციო კომპანიად ითვლება. კომპანიის საკონტროლო პაკეტის მფლობელი პრინცი ალ-ვალიდ იბნ თალალია. როგორც ცნობილია, კომპანიას მაშინაც არ შეუწყვეტია რუსეთში ინვესტიციების განხორციელება, როცა დასავლური ქვეყნები რუსეთის წინააღმდეგ სანქციებს შეუერთდნენ.
როგორც უცხოური მედია წერს, 2017 წელს პრინცი ალ-ვალიდი ერ-რიადში, სასტუმრო Ritz-Carlton-ში სხვა მაგნატებთან და სამეფო ოჯახის წარმომადგენლებთან ერთად დააკავეს. მთავრობის წარმომადგენელთა ცნობით, ეს იყო ანტიკორუფციული სპეცოპერაცია.
კრიტიკოსების აზრით, საუდის არაბეთის სამეფო დინასტიის ამომავალმა ვარსკვლავმა პრინცმა მუჰამედ იბნ სალმანმა ეს სიტუაცია პოზიციების გასამყარებლად გამოიყენა. იმ პერიოდში ხელისუფლების წარმომადგენლებმა განაცხადეს, რომ სახელმწიფო აბრუნებდა 100 მილიარდი დოლარის ოდენობის სახსრებს, რომელიც არაპატიოსანი გზით იყო მოპოვებული.
პრინცი ალ-ვალიდი, რომლის ბაბუა საუდის არაბეთის სახელმწიფოს დამაარსებელია, შეთანხმებით გაათავისუფლეს.
თუ იმას გავითვალისწინებთ, რა ზეწოლას ახდენდა დასავლეთი მოსკოვზე, ნაკლებად სავარაუდოა, რომ საუდის არაბეთის უდიდესმა საინვესტიციო კომპანიამ რუსეთში თანხები ხელისუფლების თანხმობის გარეშე დააბანდა.
მედიის ცნობით, კომპანია Kingdom Holding-მა ბრიტანეთის საპენსიო და სადაზღვევო კომპანია Phoenix Group-ში 220 მლნ დოლარის, ხოლო კომპანია M&G-ში – 221 მილიონის ინვესტიცია განახორციელა.
საუდის არაბეთის კომპანიამ დიდი ოდენობით ფულის ინვესტირება სხვა ცნობილ კომპანიებშიც მოახდინა, მათ შორისაა Uber, Lyft, Alibaba და BlackRock TCP Capital-ი.
როგორც ცნობილია, საუდის არაბეთმა რუსეთთან ბოლო პერიოდში ურთიერთობა დაალაგა და ორი ქვეყანა OPEC+ -ის ფარგლებში ნავთობის მოპოვებაზე ერთად მუშაობს. ამავე დროს, საუდის არაბეთს ვაშინგტონთან დაძაბული ურთიერთობა აქვს. პრეზიდენტი ჯო ბაიდენი ჯერ კიდევ წინასაარჩევნო კამპანიისას აცხადებდა, რომ საუდის არაბეთს ჟურნალისტ ჯამალ ჰაშოგის მკვლელობას არ აპატიებდა. ამერიკის ცენტრალური სადაზვერვო სააგენტოს ცნობით, ჟურნალისტის მკვლელობის უკან პრინცი მუჰამედი იდგა, თავად პრინცი კი ამ ბრალდებას უარყოფდა.
აღსანიშნავია ისიც, რომ ბაიდენმა, როგორც ჩანს, ბოლო პერიოდში გადაწყვეტილება შეცვალა. ივლისში ის საუდის არაბეთში იმყოფებოდა, პრინც მუჰამედს შეხვდა და ნავთობის მოწოდების გაზრდის თხოვნით მიმართა, რათა გაზრდილი ფასების კომპენსირება მოეხდინა.
მსგავსი სტატიები:
“სახელმწიფო , მხოლოდ გავრილოვის -(ოკუპანტის )-ივანიშვილის, ნარჩენი მონა ბანდიტების , უჭკუო ბიჭუნების ხელშია!”
პრემიერმინისტრი ოპოზიციური ლიდერის დაკავების საქმის გამო გადადგა – უცხოური მედია გახარიაზე
კანადაში 12-15 წლის ბავშვებისთვის Pfizer/BionNTech-ის ვაქცინით აცრა დაუშვეს
მელია მზად არის, ითანამშრომლოს ყველასთან, რომ არჩევნებზე ოცნებამ 43% ვერ მიიღოს- კორძაია
“7 ნოემბრის და “იმედის” შემდეგ სააკაშვილი გა-და-დგა, ყველაზე ძლიერი პრეზიდენტი იყო და გადადგა, აიღო პასუხისმგებლობა…”
“რაღაც საშინელ ქვეყნად ჩამოვყალიბდით. რა ნატო, რა ევროკავშირი”…
“კონფლიქტის არსებობას არ ვადასტურებ”-ნინო წილოსანი
რა კონკრეტულ ინიციატივებს სთავაზობს სოციალურად დაუცველ შრომისუნარიან მოქალაქეებს სახელმწიფო