დიდი შვიდეულის ქვეყნების მიერ რუსულ ნავთობზე ფასის ლიმიტის დაწესების გადაწყვეტილების მიღების ფონზე, ენერგოკომპანია Gazprom-მა Nord Stream 1 მილსადენით ბუნებრივი აირის მიწოდება განუსაზღვრელი ვადით შეაჩერა.
კომპანიის განმარტებით, შეფერხება ტექნიკური სამუშაოებითაა განპირობებული, თუმცა აღნიშნული ქმედება აშკარა პოლიტიკურ ზეწოლად უნდა იქნეს განხილული, გაზი კი – რუსეთის ფედერაციის ეკონომიკურ იარაღად.
ევროპისთვის გაზის მიწოდების შეწყვეტის გამო, მსოფლიოს ერთ-ერთი უმსხვილესი საინვესტიციო ბანკი Goldman Sachs პროგნოზირებს, რომ უახლოეს მომავალში, ევროპის მასშტაბით ბუნებრივი აირის ღირებულებამ, შესაძლოა, აგვისტოს მაქსიმუმს გადააჭარბოს და ახალ რეკორდულ ნიშნულს მიაღწიოს.
საგულისხმოა, რომ ევროპულის გაზის ბენჩმარკი – Dutch TTF პარასკევის სავაჭრო სესიაზე 214-ევროიან ნიშნულზე დაიხურა, თუმცა ამ დროისთვის Gazprom-ის განცხადება ჯერაც არ იყო გასაჯაროებული.
Goldman Sachs-ის ანალიტიკოსები ვარაუდობენ, რომ ორშაბათის სავაჭრო სესია ბირჟაზე ევროპული გაზის მკვეთრი გაძვირებით დაიწყება და „ტექნიკური სამუშაოების“ გაჭიანურების შემთხვევაში, მიმდინარე კვირას ბუნებრივი აირის ფასი ახალ რეკორდულ ნიშნულსაც მიაღწევს.
მსგავსი სტატიები:
“ფუ რა ამაზრზენები ხართ, ვინც ხვდებით, რა უქნეს ქვეყანას ქოცებმა და ხვალ მაინც 41-ს შემოხაზავთ”
“ნიკა მელიას დაკავების ნაღმი სწორედ ირაკლი კობახიძემ გაამზადა”
კონსტანტინე შარაშენიძე ოზურგეთის მერობისათვის კვლავ დამოუკიდებლად იბრძოლებს
“არავის ისე არ გაუთელია ფეხქვეშ “კაიბიჭობის” ინსტიტუტი როგორც ქოცებს” – ოქრუაშვილი
“რა პოლიტიკურ მორატორიუმზეა ლაპარაკი, როდესაც ადამიანმა დანაშაული ჩაიდინა” – ვოლსკი
“მითი “რუსეთის უძლეველობისა” უნდა გაქარწყლდეს…რუსეთი ოკუპანტია!”-ირმა გორდელაძე
კრემლმა მოლდოვაზე თავდასხმის გადაწყვეტილება მიიღო
მაქსიმ გალკინი თბილისში, უკრაინელი დევნილების დასახმარებლად კონცერტს გამართავს