სახალხო გმირი ბუღარა მამალაძე ლეგენდად არის ქცეული. ის XIX საუკუნის პირველ ნახევარში გურულების დამცველი და თურქების დაუძინებელი მტერი იყო, განსაკუთრებით კი ტყვეებით მოვაჭრეებისა. ბუღარა მამალაძე თურმე ტანად არც თუ ისე მაღალი ყოფილა, მაგრამ გოლიათურად ღონიერი ყოფილა. ექვთიმე თაყაიშვილი იხსენებდა: ,,ბებიაჩემი ღონიერზე იტყოდა: ბუღარა ხომ არ არისო? მას საოცარი მჭექარე ხმა ჰქონია”. გადმოცემის მიხედვით, როცა ბუღარა დასჭყივლებდა მისი ყიჟინა ახლო-მახლო სოფლებს სწვდებოდა, თუ სადმე ორსული ქალი იყო, აუცილებლად მუცელი მოეშლებოდაო. ამიტომ მას ხშირად აფრთხლილებდნენ, ამა და ამ ადგილას ფეხმძიმე ქალი არისო.
ეს კი მის შესახებ შექმნილი პოემის ბოლო სტროფებია:
კუდიგორიდან გამოჩნდა კაკო,
მარაბდის მთებს კი გასცდა არსენა,
ზემო გურიამ ბუღარა აქო,
ქვემომ -სისონა ტკბილად ახსენა.
ბუღარას შემდეგ სხვებს უბუღია,
ნასაკირალზე ქროდა დათიკო ,
ვისაც ხალხისთვის კარგი უქნია,
მასზე ამბობენ ,,ვაჟკაცი იყო”. (სისონა დარჩია, დათიკო შევარდნაძე )
ვინმე ი. ჩნტლაძის გადმოცემით, გურიის 1841 წლის ჯანყის დროს ბაბუამისი ბუღარას მეთაურობით იბრძოდა ჩოხატაურში, ,, ძლიერ ხნოვანი იყო სულკურთხეული, მარა მაშვინ მაინც ძაან იჯამაგაო”. ამასვე ადასტურებს ონჭიქეთელი ილარიონ ჯინჭარაძე. აკადემიკოსი ნიკო ბერძენიშვილს კი ყმაწვილობაში გაუგონია ჯანყის მომსწრე ერთი ფარცხმელი გლეხისაგან, რომ ,,ბუღარა ჯანყში თაობდაო”. მისი ფოტო არ არსებობს, ამიტომ ძეგლის ფოტოს ვდებ.
ირაკლი მახარაძე
გააზიარეთ და მოიწონეთ სტატია:
მსგავსი სტატიები:
ნოვოსიბირსკის თეატრმა ანანიაშვილს კონტრაქტი შეუწყვიტა
“ჩვეულებრივი ადამიანებისთვის ვაქცინა ზაფხულში ან შემოდგომაზე იქნება”
არ გამოუვა ხელისუფლებას ხელი შეაწმინდოს ბესო ქათამაძეს-დავით მჟავანაძე
ბადრი პატარკაციშვილის დედა – ნათელა პატარკაციშვილი გარდაიცვალა
მილიარდიანი ბიუჯეტი და კრიზისი განათლების სისტემაში: პიანინოზე დაკვრა დახატული კლავიშებით
“ასე იცოდა ხოლმე ჩამოყრდნობა და გაიყურსებოდა ხოლმე თავის სიჩუმეში”- თაკო ჩარკვიანი
ამერიკაში სტიქიის შედეგად დაღუპულთა რიცხვმა 45-ს გადააჭარბა
1-ელი აგვისტოდან 14 ნოემბრის ჩათვლით, საქართველოდან 13.0 ათასი ტონა თხილის ექსპორტი განხორციელდა