კადიროვის სახოტბო კომენტარებს ინტერნეტში ბოტები შეამოწმებენ

ჩეჩნეთის ლიდერის რამზან კადიროვის პოსტების ქვეშ გამოქვეყნებულ სახოტბო კომენტარებს ბოტები შეამოწმებენ. ამის შესახებ Kavkaz.Realii-ს რეგიონის ერთ-ერთი სკოლის ხელმძღვანელობამ განუცხადა და განათლების მართვის რეგიონული დეპარტამენტის წყარომ დაუდასტურა.

უფრო კონკრეტულად კი, აღნიშნული ღონისძიება საბიუჯეტო ორგანიზაციების თანამშრომელთა „მუშაობის“ ეფექტურობის მონიტორინგის მიზნით ხორციელდება.

ანონიმური წყაროების ცნობით, ამისთვის ელექტრონული ფორმების სახით შეაგროვეს საჯარო მოხელეების სახელები და გვარები, ტელეფონის ნომრები, ფსევდონიმები და ასევე, ტელეგრამის არხებსა და ინსტაგრამში მათი საიდენტიფიკაციო მონაცემები.

„ბოტი დაითვლის, თუ ვინ და რა სახის კომენტარი დატოვა, ამასთან, უბრალო „სმაილები“ სათვალავში არ მიიღება. ხოლო თავად კომენტარი უნდა შედგებოდეს სულ მცირე სამი და მეტი სიტყვისაგან. ასევე, არ მიიღება კომენტარები, თუ  პუბლიკაციის შემდეგ 24 საათი იქნება გასული“, – აღნიშნა თანამოსაუბრემ და დასძინა, რომ  ბოტების მიერ შეგროვებული კომენტარები რესპუბლიკის ხელმძღვანელობას გადაეგზავნება.

მანამდე რამზან კადიროვის პოსტების ქვეშ ჩეჩნეთის პედაგოგებს სახოტბო კომენტარების დაწერა დაავალეს. ეს მოხდა მას შემდეგ, რაც ჩეჩნეთის ლიდერმა განაცხადა, რომ „სოციალურ ქსელებში იკლო აქტიურობამ“. მანამდე  თანამშრომლები ჩატარებული სამუშაოს შესახებ ანგარიშს ე.წ. სკრინშოტებით აბარებდნენ.

pia.ge

გააზიარეთ და მოიწონეთ სტატია:

მსგავსი სტატიები:

“პოსტბიძინურ ეპოქაში არანაირად სხვა პარტიაში გაწევრიანებას არ ვაპირებ” “ამასობაში ნიკა მელია რეკორდსმენია” ხაბეიშვილი ღარიბაშვილს: 6 665 ადამიანის საარსებო მინიმუმი პირდაპირ მაჯაზე გკიდიათ “ქვეყანაში წარღვნა და მეორედ მოსვლაა. და, აბა, თუ გამოიცნობთ, რითი დაიწყო ცხრიანი კურიერი რ2ზე” “კრემლმა უკან დაიხია! ჩვენ ვნახეთ გამარჯვებული მთავარსარდალი, გაუტეხელი სააკაშვილი!” – ლევან ხაბეიშვილი “დღესაც ვიკვლევთ ლუგარის ლაბორატორიაში ღამურებს” – პაატა იმნაძე ”რუსეთი არ აღმოჩნდა ისეთი ძლიერი, როგორიც მსოფლიოს ეგონა” – ზურაბიშვილი “დღეს გაცილებით ცუდადაა, ვიდრე სამშაბათს. სრულიად უენერგიო, უინტერესო ყველაფრისადმი.. საუბარი ვერ შევძელით”