დიდი ბრიტანეთის სამხედრო დაზვერვის შეფასებით, ნაწილობრივი მობილიზაციის გამოცხადება ფაქტობრივად, იმის აღიარებაა, რომ რუსეთმა ამოწურა უკრაინაში ომის მსურველი მოხალისეების მარაგი.
გაერთიანებული სამეფოს თავდაცვის სამინისტრო დაზვერვის ინფორმაციაზე დაყრდნობით მიიჩნევს, რომ ნაწილობრივი მობილიზაციისა და პირადი შემადგენლობისთვის 300 ათასი ადამიანის შეკრების პროცესში რუსეთი წააწყდება ლოგისტიკურ და ადმინისტრაციულ პრობლემებს, მობილიზაციის შედეგად შექმნილი ფორმირებები კი, ბრძოლისუნარიანი ვერ გახდება რამდენიმე თვის განმავლობაში.
ბრიტანული დაზვერვის შეფასებითვე, ნაწილობრივი მობილიზაცია რუსეთის მოსახლეობის ნაწილში საკმაოდ არაპოპულარული იქნება. გაერთიანებული სამეფოს თავდაცვის სამინისტროში აცხადებენ, რომ პუტინი საჭირო საბრძოლო ძალის მოპოვების იმედით, მნიშვნელოვან პოლიტიკურ რისკზე მიდის.
პრეზიდენტ პუტინის განკარგულებით, რუსეთში 21 სექტემბრიდან დაიწყო ნაწილობრივი მობილიზაცია, რომელიც თავდაცვის მინისტრ შოიგუს თანახმად, 300 ათას რეზერვისტს შეეხება. 21 სექტემბერს, რუსეთის სხვადასხვა ქალაქში გაიმართა მობილიზაციის მოწინააღმდეგეთა საპროტესტო გამოსვლები. პოლიციამ აქციების 1000-ზე მეტი მონაწილე დააკავა.
მსგავსი სტატიები:
IRI: არჩევნებმა ვერ დააკმაყოფილა საკონსტიტუციო ცვლილებებით დაწესებული ახალი სტანდარტები
ანდრიუს კუბილიუსი შარლ მიშელს მიმართავს, საქართველოს მსგავსად, ბელარუსის კრიზისის გადაჭრაშიც მიიღოს მონაწილეობა
“ოპოზიცია არჩევნებს უნდა დაელოდოს სადაც მოსახლეობა მათ “წერტილს დაუსვამს”
განსაკუთრებულ დავალებათა დეპარტამენტის ბაზაზე, სავარაუდოდ, მობილიზაციაა გამოცხადებული
“წინ მეორე ტურია, კიდევ უფრო დაძაბული და გადამწყვეტი”- კოტე შარაშენიძე
„მიშამ გააქარწყლა პროკურატურის ბრალდება“ – გიული ალასანია „პიჯაკების საქმის“ სასამართლოზე
“არ ვართ ვალდებულები, დასავლელი პარტნიორების ასი მოსაზრებიდან ასივეს დავეთანხმოთ” – მდინარაძე
მარიუპოლში ოკუპანტები კვალს გადასატანი კრემატორიუმებით ფარავენ – ქალაქის საბჭო