დავით უსუფაშვილი „ქართული ოცნების“ 10 წელზე: ერთი სიტყვით ვიტყოდი „ტრაგედია,“ თუ ორი სიტყვით უფლება მექნებოდა – „მორიგი ტრაგედია“

მან გადაცემაში ასევე იმ მიზეზებზე ისაუბრა, თუ რატომ დატოვა „ქართული ოცნება“.

მისი თქმით, მმართველ გუნდში სისტემურ პრობლემებთან დაკავშირებით 2014 წელს, მაშინდელ პოლიტსაბჭოს და მის ხელმძღვანელს წერილობით მიმართა, სადაც „ძალიან პრობლემური თემების და სასწრაფოდ გამოსწორების შესახებ მიანიშნებდა“.

„დემოკრატიული რეფორმების წინააღმდეგი მაშინდელი და დღევანდელი პრემიერი იყო – ეს ერთი და იგივე ადამიანია.

ის ბიჭები, სპეცსამსახურების თანამშრომლები, ვინც სააკაშვილის ხელისუფლებამ კობა დავითაშვილის გასატაცებლად და საცემად გამოიყენა, ის ბიჭები ახლა ნორმალურად იქცევიან და მათ პრობლემები როგორ და რატომ შევუქმნათო. ამ ტიპის ჩურჩულები გაისმა დერეფნებში,“ – განაცხადა დავით უსუფაშვილმა.