პირველი ნოემბრიდან სამედიცინო დაწესებულებებში პაციენტებისთვის დაფინანსების ახალი მოდელი ამოქმედდება

სამინისტროს ცნობით, სამედიცინო დაწესებულებებში, მომსახურების დიაგნოზთან შეჭიდული ჯგუფებით (DRG) დაფინანსების ახალი მოდელი ამოქმედდება.

„სამედიცინო სერვისების ყველაზე სამართლიანი, ყველაზე სწორი და ყველაზე აპრობირებული სისტემით დაფინანსება – ეს არის DRG სერვისების დაფინანსება. ათიათასობით სერვისი, რომელზეც ტარიფები იყო განსაზღვრული, უკვე DRG მეთოდოლოგიით დაითვლება და კონკრეტუილ სამედიცინო ჩარევაზე ტარიფი გამოყვანილი საბაზისო ტარიფის და DRG -ს წონის მიხედვით გამოითვლება“, – აცხადებენ უწყებაში.

DRG სისტემის დანერგვის შემდეგ, სამედიცინო მომსახურების მიღებისას, პაციენტს, დამატებითი ხარჯების გაწევა აღარ მოუწევს და მხოლოდ იმ თანხას გადაიხდის, რასაც საყოველთაო ჯანდაცვის პროგრამის ფარგლებში, თანაგადახდის წილი ითვალისწინებს ( 0-დან 30%-მდე, საყოველთაო ჯანდაცვის პროგრამის პაკეტების შესაბამისად).