“ქართული ოცნების” თავმჯდომარე, ირაკლი კობახიძე “იმედის” ეთერში ეხმაურება, ფაქტს, როდესაც CNN-ის ჟურნალისტმა ქრისტიან ამანპურმა ევროკომისიის პრეზიდენტ ურსულა ფონ დერ ლაიენს რუსეთის წინააღმდეგ დაწესებული სანქციების გვერდის ავლაზე ჰკითხა და ამის მაგალითად საქართველო დაასახელა.
როგორც ირაკლი კობახიძე აღნიშნავს, ეს ყველაფერი სიცრუეა და CNN-ზე ტყუილი გაჟღერდა.
“არიან ადამიანები, არა ადამიანები, არამედ სერიოზული ძალები, რასაც ვუწოდებთ გლობალური ომის პარტიას, არ ვხსნით კარტებს ბოლომდე, ვიცით ზუსტად, რა იგულისხმება ამის უკან და არ ვამბობთ. ვიცით გლობალური ომის პარტია, რომელსაც აქვს ინტერესი საქართველო ჩართოს ომში და ამას ცდილობენ სხვადასხვა ფორმით და მეთოდით.
ერთ-ერთი ბოლო შემთხვევა იყო გუშინ, იყო ურსულა ფონ დერ ლაიენის ჩართვა, სადაც CNN-ის ჟურნალისტი, ფეიკ სტატიაზე დაყრდნობით უსვამს კითხვას ურსულა ფონ დერ ლაიენს, რასაც საფუძვლად უდევს თითქოს ფაქტი, თითქოს საქართველო არის ერთ-ერთი მთავარი ხელშემწყობი იმისა, რომ რუსეთში შეედინება სანქცირებული პროდუქტები.
ეს ხომ CNN-ია და არა “ტვ პირველი” ან მთავარი არხი, ნაცმოძრაობის ჯიბის ტელევიზიები. როდესაც CNN-ზე ასეთი მასშტაბის ტყუილი ჟღერდება, ეს მიუთითებს იმაზე, რომ არის რაღაც სერიოზული ძალა, რომელსაც აქვს ინტერესი, საქართველოს შეუქმნას ხელოვნურად პრობლემები. მიზანი ამ ხელოვნურად პრობლემების შექმნის შეიძლება იყოს ერთადერთი – ესკალაცია და მისი საბოლოო შედეგი უნდა იყოს მეორე ფრონტი…გუშინ CNN-ზე გაჟღერდა მარტივი ტყუილი”, – აცხადებს ირაკლი კობახიძე.
მსგავსი სტატიები:
“ივანიშვილის მმართველობის 8 წლიან ეპოქაში ბიუჯეტიდან 100 მილიარდზე მეტი დაიხარჯა”
“გელათში კვლავ კატასტროფაა, ქარმა დროებითი სახურავი ახადა და წყალი და თოვლი ჩადის… ”
“მე ჩემს თავთანაც ძალიან ცინიკოსი ვარ…”
ნიკა მელიას სასამართლო პროცესი 13 აპრილს გაიმართება
“მას [ზურა ჯაფარიძეს] მოუწევს პასუხისმგებლობა კანონმდებლობით დადგენილი წესით”
“საქართველოს ხელისუფლება საერთაშორისო ტრიბუნალის წინაშე უნდა წარსდგეს!” – ევროპარლამენტარი იაცეკ სარიუშ-ვოლსკი
“ერდოღანი რომ შენს ხელისუფლებაზე უფრო კარგი ტიპია…ის მომენტი“ – დავით ზურაბიშვილი
აფეთქება ყაზახეთის მაღაროში-არის მსხვერპლი