“სარკეში ჩახედვა არ არის საჭირო, ბოლო სამ რეზოლუციას ჩახედონ, რომელსაც მხარი დაუჭირეს”, – ასე პასუხობს საქართველოს პარლამენტის თავმჯდომარე შალვა პაპუაშვილი ევროპარლამენტარ მარინა კალიურანდის განცხადებას.
მისი თქმით, ევროპარლამენტარის ზოგიერთ განცხადებაში პიროვნული გაღიზიანებები და ანტიპათიები იგრძნობოდა.
პაპუაშვილი ევროპარლამენტარებს დაფიქრებისკენ და შეცდომების გამოსწორებისკენ მოუწოდებს.
„რაც ჩვენ მოვისმინეთ, აქ პიროვნული გაღიზიანებები და ანტიპათიები იგრძნობოდა ზოგიერთ განცხადებაში, რაც არ არის სერიოზული და ევროპული დამოკიდებულება. რაც შეეხება სარკეში ჩახედვას, ყველა ევროპარლამენტარს ერთ რამეს ვურჩევდი – სარკეში ჩახედვა არ არის საჭირო, ბოლო სამ რეზოლუციას ჩახედონ, რომელსაც მხარი დაუჭირეს, მათ შორის, ქალბატონმა კალიურანდმა.
ქართველი ხალხის წინააღმდეგ იმ დეზინფორმაციას და პროპაგანდას ჩახედონ, რომელიც ამ ბოლო სამ რეზოლუციაში იყო და რომელსაც პასუხი გასცა მათ შორის სტრასბურგის სასამართლომ. ის ჩანაწერები ნახონ, რომელიც მიხეილ სააკაშვილს ეხებოდა და იხილონ ის პროპაგანდა, რომელსაც აყოლილი იყო ევროპარლამენტის რეზოლუციების ინიციატორები.
დაფიქრდნენ, იქნებ, არის დრო, გამოასწორონ საკუთარი შეცდომები ქართველი ხალხის წინაშე, გადახედონ საკუთარ პოზიციებს, რომელმაც დააზიანა საქართველოს ევროპული პერსპექტივა. ამ საკითხს ასე შეხედონ“, – თქვა პაპუაშვილმა.
მსგავსი სტატიები:
“„ქართულმა ოცნებამ” დიდი დარტყმა მიაყენა საქართველოს ევროსტლანტიკურ პერსპექტივას”
“ტურისტული სეზონის დასაწყისში, საჭიროა შეზღუდვების შემსუბუქება, რათა ეკონომიკამ ამოისუნთქოს”
საბერძნეთში 2 პირი დააკავეს, რომელთაც ტყის ხანძრის შეგნებულად გაჩენა ბრალდებათ
„მთავარი არხი“ „იფსოსთან“ ხელშეკრულებას წყვეტს და კომპანიასთან სამართლებრივ დავას იწყებს
,,ოცნებას” მიღებული ჰქონდა მითითება მისთვის ავტორიტეტული და ავტორიტარული წყაროსგან – დავით უსუფაშვილი
დაჯექი ჩემთან მოლაპარაკების მაგიდასთან, ოღონდ არა 30 მეტრში როგორც მაკრონთან, შოლცთან…მე არ ვიკბინები – ზელენსკი პუტინს
მოსწავლეებს ექსკურსიაზე ღამისთევით წასვლა ეკრძალებათ
მთისპირის საბავშვო ბაღში სიმღერის გაკვეთილები ამიერიდან ინსტრუმენტის თანხლებით ჩატარდება