”მან გადაწყვიტა, რომ ნებისმიერი მისი განცხადება სხვა პიროვნებამ გააჟღეროს და არა „ნაციონალური მოძრაობის” თავმჯდომარე ხაბეიშვილმა, რომელსაც ალბათ აეჭვიანებს’ – ამის შესახებ “ხალხის ძალის” ერთ-ერთმა ლიდერმა, გურამ მაჭარაშვილმა მედიასთან მიხეილ სააკაშვილზე საუბრისას განაცხადა.
მაჭარაშვილის თქმით, თუკი ქართულ პოლიტიკაში ყოფნა სურს, სააკაშვილმა ჯერ ის უნდა აუხსნას ქართულ საზოგადოებას, რატომ თქვა საქართველოს მოქალაქეობასა და ყველაფერ ქართულზე უარი.
„სამკურნალო მას აღარაფერი აქვს. ძალიან მხნედ გამოიყურება, განცხადებებსაც კარგად აკეთებს და ა.შ… მან გადაწყვიტა, რომ ნებისმიერი მისი განცხადება სხვა პიროვნებამ გააჟღეროს და არა „ნაციონალური მოძრაობის” თავმჯდომარე ხაბეიშვილმა, რომელსაც ალბათ აეჭვიანებს. ჯერ ერთი, მან ის უნდა ახსნას საქართველოს საზოგადოების წინაშე, თუ რატომ უარყო საქართველო და ქართული საზოგადოება, თუნდაც რამდენიმე თვის წინ, როდესაც თქვა და დაიფიცა, რომ არაფერი ქართული, მათ შორის, ქართული პოლიტიკა აღარ უნდოდა და ყველაფერი ქართული ეზიზღებოდა, ამბობდა, რომ ის იყო უკრაინელი, მხოლოდ უკრაინულ ენაზე საუბრობდა და ა.შ… მოქალაქეც უკრაინის იყო, საქართველოს მოქალაქეობა თავისი ნებით დათმო. ყველაფერი ქართული დათმო. რამდენიმე თვის წინ თქვა, რომ ის არ აპირებს არაფერ ქართულში მონაწილეობას. დღეს რატომ მოუნდა ქართულ პოლიტიკურ პროცესში მონაწილეობა”, – განაცხადა გურამ მაჭარაშვილმა.
მსგავსი სტატიები:
უსახლკაროდ დარჩენილი ჩხაიძეების ოჯახი
სააპელაციო სასამართლომ ნიკა მელიას საქმეზე სარჩელი არ დააკმაყოფილა
სრულად ვაქცინირებულებს არ სჭირდებათ პირბადეების ტარება – CDC
კორტნი: “აღმოჩნდა, რომ “ქართული ოცნება” ნაკლებად პროევროპული პარტიაა”
საზღვრის უკანონო კვეთა – პროკურატურა მიხეილ სააკაშილს ახალ ბრალს წარუდგენს
გურიის ჩემპიონატზე გამართული ორი ტურის შემდეგ ,ოზურგეთელები დავით ცეცხლაძე და გიორგი გოგოლაური 2 ქულით დაწინაურდნენ
მოსკოვის ოლქში, სავაჭრო ცენტრი იწვის
საჭიროა, ნათლად ითქვას, რა მიმართულებით მივდივართ – ინტერვიუ პრეზიდენტის ძმასთან