“ნაურიალი”

„ნაურიალი“ ებრაელების ყოფილ საცხოვრებელი ადგილის აღმნიშვნელ ტოპონიმადაა მიჩნეული. ის რომ გურიაში ადრე ებრაელთა დიდი თემი ცხოვრობდა ამასთან დაკავშირებით არაერთი წყარო მიუთითებს. მაგალითად ილია პაპისმედოვის ცნობით: ვინმე დანიელ ბენ ნათან კონსტანტინეპოლელს მის მიერ ტრაპიზონში 1188 წელს შეძენილი 24 წიგნი შეუწირავს გურიის ებრაელთა თემისათვის, წიგნზე გაკეთებულ წარწერაში მითითებულია: „უფლისა ჩვენისა სახელით მე, დანიელ ბენ ნათან კონსტანტინეპოლელმა, ჩვენი თანამოძმეთა ტრაპიზონის თემის სახელით შევიძინე ჩემი სახსრებით ეს 24 წიგნი ბრწყინვალედ შეკრული და შევწირე გურიის ებრაელთა თემს“.

იური სიხარულიძის მიერ შეკრებულ გურიის ტოპონიმიკაში ექვსი „ნაურიალია“ მითითებული:

– სოფ. შრომა (ბოცვნარი) – ნაურიალი (ძველი სასაფლაო)

– სოფ. ღრმაღელე – ნაურიალი (ნაეკლესიარი)

– სოფ. გურიანთა (კახური) – ნაურიალი (სამაროვანი)

– სოფ. ლიხაური – ნაურიალი (ადგილი ღვთისმშობლის ეკლესიის ს.დ-ით)

– სოფ. ცხემლისხიდი (ქვედა ბაღდადი) – ნაურიალი (სოფლ. კუთხე)

– სოფ. შუა განახლება (მჭედლებისერი) – ნაურიალი (საკარმიდამო)

– Евреи бухарские, горские, грузинские в водовороте истории – Роберт Пинхасов, Светлана Данилова, Семен Крихели;

– Паписмедов Илья Шаломович «К истории торговли груз. евреев»;

– იური სიხარულიძე „მასალები გურიის ისტორიული გეოგრაფიისათვის (ტოპონიმიკა)“ (1971)

– ფოტო შემოქმედის მონასტრის კარის თაღი