აშშ-ის მომავალი მინისტრებისთვის ჩემი ძირითადი “მესიჯის” გადაცემა შევძელი, რომ საქართველოში რეალურად გარდამტეხ წერტილში ვართ, – ამის შესახებ საქართველოს მეხუთე პრეზიდენტმა, სალომე ზურაბიშვილმა Atlantic Council-ის შეხვედრაზე განაცხადა.
“ან უკან რუსეთში შეგვათრევენ ან გზას გავაგრძელებთ, რომელიც დამოუკიდებლობიდან იყო საქართველოს გზა“, – თქვა ზურაბიშვილმა.
”ინაუგურაციამდე შესაძლებლობა მქონდა დავსწრებოდი რამდენიმე წინასაინაუგურაციო მიღებას, რომლებიც ამ ქალაქში მიმდინარეობდა. ამ ღონისძიებებზე კაბინეტის რამდენიმე მინისტრთან წარმადგინეს, რომლებიც ჯერ დამტკიცებული არ არიან სენატის მიერ, მაგრამ ეს პირველი კონტაქტები იყო.
ასე რომ, როგორც ეს ძირითადად ხდება მსგავს პირველ კონტაქტებზე, მე წარმადგინეს და მათთვის ჩემი ძირითადი “მესიჯის” გადაცემა შევძელი, კერძოდ, საქართველო როგორც არასდროს საჭიროებს თავისი ამერიკელი მეგობრების ყურადღებას, ვინაიდან ვითარება იქ გადამწყვეტია, რეალურად გარდამტეხ წერტილში ვართ – ან უკან რუსეთში შეგვათრევენ ან გზას გავაგრძელებთ, რომელიც დამოუკიდებლობიდან იყო საქართველოს გზა. გზის, რომელშიც ამერიკული როლი არსებითი მნიშვნელობისა იყო, ჩვენი ინსტიტუტების, ჩვენი ჯარის შექმნის, კონსოლიდაციის მხრივ, და ზოგადად ქვეყნის დამოუკიდებლობის მხრივ.
ასე რომ, საქართველოს მოსახლეობას ეს სურს დღეს, როგორც ეს უნდოდა გუშინ და როგორც სამომავლოდ უნდა. ასე რომ, ჩემი აზრით, მომავალი ადმინისტრაციის ხალხმა ეს უნდა იცოდეს, ვინაიდან საქართველოში ეს მხოლოდ პოლიტიკური საკითხი არ არის, და, მთელი მნიშვნელობის მიუხედავად, მხოლოდ ადამიანის უფლებებისა და რეპრესიების საკითხი არ არის, ეს რეალურად ეგზისტენციალური საკითხია – შეძლებს თუ არა საქართველოს თავისი გზის გაგრძელებას, როგორც დამოუკიდებელი ქვეყანა, როგორც ქვეყანა, რომელსაც თავისი სუვერენიტეტის აღიარება და ევროატლანტიკური გზის მხარდაჭერა სურს“, – განაცხადა ზურაბიშვილმა.
მსგავსი სტატიები:
ამირან ქადეიშვილი: -„ოზურგეთი, სადაც ჩემი მაყურებელი მყავს, ჩემი განძია“
6 თებერვლის შემდგომ გაერთიანებულ სამეფოში კორონავირუსის რეკორდული დღიური მაჩვენებელი გამოვლინდა
“საპატრიარქო გადაიქცა ბიზნეს კორპორაციად, რომელიც ვაჭრობს ღმერთით”
ქსნის ციხიდან 2-მა პატიმარმა გაქცევა სცადა
სახელმწიფოზე გადამტერებული, ეკლესიის მაგინებელი კრიმინალი – კობახიძე გვარამიაზე
1898 წელი – მთვარიან ღამეშიც კი განათებული ჩოხატაურის ბაზარი
“ჩვენსავით ჩახდილს ვინმე დაჯდომოდეს მოსალაპარაკებლად, ისტორიას არ ახსოვს” – ხათუნა ლაგაზიძე
ივანიშვილმა დაამტკიცა, რომ ქართველი ხალხის ნება არ აინტერესებს – ფავლენიშვილი