დღეს ოზურგეთში „ენმ“-მ და „ძალა ერთობაშია“-მ მაჟორიტარობის კანდიდატი წარადგინა

დღეს, ოზურგეთში ჭადრების ბაღში, „ერთიანი „ნაციონალური მოძრაობის“ და „ძალა ერთობაშიას“ მაჟორიტარობის კანდიდატის მანუჩარ კვირკველიას წარდგენა გაიმართა. შეხვედრას უძღვებოდა მაჟორიტარობის კანდიდატის ახლო მეგობარი, გურიაში გაერთიანებული ოპოზიციის კანდიდატის შტაბის ერთ-ერთი ხელმძღვანელი ირაკლი ღლონტი.

შეხვედრას ესწრებოდნენ გაერთიანებული ოპოზიციის ლიდერი გრიგოლ ვაშაძე, „ნაციონალური მოძრაობის“ ოზურგეთისა და ლანჩხუთის ორგანიზაციის ლიდერები, რომლებმაც ხალხს მიმართეს და მხარდაჭერისკენ მოუწოდეს.

შეხვედრაზე ონლაინ ჩაერთო საქართველოს ყოფილი პრეზიდენტი მიხეილ სააკაშვილი, მან გურულებს „ძალა ერთობაშიას“- კანდიდატის მხარდაჭერისკენ მოუწოდა და განაცხადა რომ ივანიშვილის დრო დამთავრდა.

„ივანიშვილის დრო დამთავრებულია, ქართველი ხალხი იბრუნებს თავის ქვეყანას. აღარავინ აღარ იქნება არავის ყმა და ხელის ბიჭი განსაკუთრებით გურიაში“- განაცხადა სააკაშვილმა.

„გურიის მოამბის“ კითხვას – თუ რას გააკეთებს პირველად გაიმარჯვების შემთხვევაში, მანუჩარ კვირკველიას პასუხი ასეთი იყო:

„გამარჯვების შემთხვევაში პირველი რასაც ვაპირებ, არის მივიდე ყველა ოჯახში გურიის მაშტაბით, მოვისმინო თითოეული ადამიანის პრობლემა და დავეხმარო მათ პრობლემების მოგვარებაში. აღმასრულებელ ხელისუფლებამდე მივიტან მათ პრობლემებს და ერთად მოვაგვარებთ.“- განაცხადა მაჟორიტარობის კანდიდატმა.

გააზიარეთ და მოიწონეთ სტატია:

მსგავსი სტატიები:

გიორგი სიორიძე: „ლელო არ აღიარებს არჩევნების შედეგებს და ემზადება ვადამდელი საპარლამენტო არჩევნებისთვის“ გურიაში, 2 ნოემბრის მონაცემებით კორონავირუსის 28 შემთხვევა დადასტურდა “ეს იგივეა  საანგარიშო “ჩოთქებით” ვაგრძელებდეთ ცხოვრებას”- ნიკოლოზ რაჭველი არჩევნებზე ბრეგაძე: ხატზე დავიფიცებ, რომ კობახიძის გარემოცვიდან პარლამენტში შესვლაზე შემოთავაზება იყო ოპოზიციის აქციები ლარს აუფასურებს – ფინანსთა მინისტრი გადადგომის შემდეგ, ავთანდილ თალაკვაძე თანამშრომლებსა და კოლეგებს მიმართავს მოლაპარაკებები ხელისუფლებისათვის სახლობანას თამაშივითაა- სამნიძე შეიძლება უხერხულია, როდესაც ოპოზიციის ფეიკ დრამატიზმს არ ვუყურებთ პარლამენტში – წილოსანი