რა თემაზე შედგა შეხვედრა “ქართული ოცნების” საგარეო საქმეთა მინისტრ მაკა ბოჭორიშვილსა და აშშ-ის სახელმწიფო დეპარტამენტის უფროს მრჩეველს, უაით ტოლკეს შორის? – ამერიკის შეერთებული შტატების საელჩო საქართველოში განმარტებებს აკეთებს.
განცხადების თანახმად, შეერთებულმა შტატებმა ნათლად აჩვენა, თუ რა ნაბიჯები შეიძლება გადადგას “ქართული ოცნების” მთავრობამ, რათა დაამტკიცოს, რომ იგი ურთიერთობის გაუმჯობესებას სერიოზულად უყურებს.
”დღეს ელჩი დანიგანი და უფროსი მრჩეველი ტოლკი საგარეო საქმეთა მინისტრ ბოჭორიშვილს შეხვდნენ, რათა განეხილათ აშშ-საქართველოს ურთიერთობა.
შეერთებული შტატები განაგრძობს საქართველოსადმი თავისი მიდგომის გადახედვას, ამერიკის ინტერესების გასაძლიერებლად.
შეერთებულმა შტატებმა მკაფიოდ ჩამოაყალობა ის ნაბიჯები, რომელიც საქართველოს მთავრობას შეუძლია გადადგას იმის საჩვენებლად, რომ სერიოზულად არის განწყობილი აშშ-სთან ურთიერთობის გასაუმჯობესებლად”, – წერია განცხადებაში.
ცნობისთვის, ინფორმაცია, რომ უაით ტოლკე „ქართული ოცნების“ საგარეო საქმეთა მინისტრს შეხვდა, მაკა ბოჭორიშვილის უწყებამ გაავრცელა.
საქართველოს საგარეო საქმეთა სამინისტროს ინფორმაციით, შეხვედრაზე საუბარი შეეხო აშშ-ისა და საქართველოს ურთიერთობებს, თანამშრომლობის პერსპექტივებსა და რეგიონში მიმდინარე პროცესებს.
პრესსამსახურის მიერ გავრცელებულ ფოტომასალაში ჩანს, რომ შეხვედრას ელჩი რობინ დანიგანიც ესწრებოდა, რომელიც თანამდებობას ივლისში ტოვებს.
მსგავსი სტატიები:
ეკატერინე ტიკარაძე: ინფიცირებულთა რაოდენობასთან ერთად, იზრდება კრიტიკულ პაციენტთა რიცხვიც
რომელია 8 ყველაზე ძვირად ღირებული ქსოვილი მსოფლიოში
დეკანოიძე: როცა პარტიის თავჯდომარე ციხეშია, ვერ იქნება ჩვენი გადაწყვეტილება სრულფასოვანი
საგანმანათლებლო და სააღმზრდელო დაწესებულებებთან თამბაქოს ნაწარმის რეალიზაციაზე ჯარიმები იზრდება
როდის იგეგმება ალტ-ინფოს ოფისის გახსნა ჩოხატაურში და ვინ უხელმძღვანელებს მას?
EU-ს ქვეყნებში საქართველოდან თავშესაფრის მაძიებელთა რაოდენობა 183%-ით გაიზარდა
გურული სამზარეულო – მოხარშული ბეჭი საწებლით
რუსეთის დელეგაციის ხელმძღვანელის თქმით, მოლაპარაკებებში შესაძლო კომპრომისებისთვის მზად არიან
