(რეზონანსი) არავითარი საფუძველი არ აქვს იმას, რომ ეს ოპოზიცია არ შედის პარლამენტში, – ამის შესახებ ირაკლი კობახიძემ „იმედის კვირასთან“ საუბრისას განაცხადა. „ქართული ოცნების“ თავმჯდომარე მიიჩნევს, რომ რადიკალური ოპოზიციის მიერ შექმნილი ხელოვნური პოლიტიკური კრიზისი მხოლოდ რუსეთის ინტერესებს ემსახურება. „იყო არაერთი ევროპარლამენტარის და ამერიკელი მეგობრების განცხადებები იმასთან დაკავშირებით, რომ ის რაც დღეს საქართველოში ხდება – ხელოვნური კრიზისი – მხოლოდ რუსეთის ინტერესებში შედის. ამ ხელოვნური კრიზისის შემოქმედი არის ეს ოპოზიცია, რომელიც ხელისუფლებაში ყოფნის პერიოდში რუსული საქმის კეთებაში შეიმჩნეოდა და ამას აგრძელებენ დღესაც. მათთვის ქვეყნისთვის ზიანის მიყენება გვერდითი მოვლენა კი არა, მათი პირდაპირი მიზანია. როგორც ჩანს, მათ აქვთ დავალება, რაღაცნაირად სცადონ ქვეყნის დაშორება ევროპული სტრუქტურებისგან. ამას ვერ ეღირსებიან და ვერ მიაღწევენ, ეს პირდაპირ შეიძლება ითქვას. გამომდინარე იქიდან, რომ „ქართული ოცნება“ არის მართალი და მას აქვს ურყევი მიზანი, რომ წასწიოს ქვეყანა წინ, ევროკავშირისკენ და ნატოსკენ, რადიკალური ოპოზიციის ასეთ ძალისხმევას შეიძლება ჰქონდეს მხოლოდ მოკლევადიანი ეფექტი. მაგრამ გრძელვადიანი შედეგი ამას ვერ ექნება. ჩვენ წავიწევთ წინ და 2024 წელს გვაქვს ამბიციური მიზანი, წარვადგინოთ ჩვენი ოფიციალური განაცხადი ევროკავშირში გაწევრიანებაზე“, – განაცხადა კობახიძემ.
მსგავსი სტატიები:
ხოშტარიამ „ევროპული საქართველო“ დატოვა და ახალ პოლიტიკურ პლატფორმას ქმნის
“მოინახება ოპოზიციაში პარლამენტში შემომსვლელი 17 პირი”-იოსელიანი
ოზურგეთში ტიკარაძე, სასწრაფო სამედიცინო დახმარების ახალ შენობას გახსნის
“ალბათ კარგი იქნება რომ ვენდოთ ასტრაზენეკას,ისევე როგორც ფაიზერს”
“ქართული ოცნება ყველაზე ქართული და ყველაზე ევროპული პარტიაა”
“ფორმულამ” ოცნების შიდა კვლევა მოიპოვა, რომლის მიხედვით პარტია 43%-იან ბარიერს ვერ ლახავს
ვასაძე პოლიტიკაში მოსვლაზე-“მხოლოდ ქვეყანაზე დარდმა, მისმა სიყვარულმა გამაკეთებინა ეს”
(ვიდეო) – “სააკაშვილმა დაალაგა საქართველო და მანდ კანონი უმაღლეს დონეზეა, რასაც 30 წელია ვერ მიაღწია აფხაზეთმა” – “აფხაზეთის გმირის” ინტერვიუ