“ცოტა ხან­გრძლი­ვად უნდა შევ­წუხ­დეთ და ერ­თმა­ნეთ­საც ვუ­თხრათ, რომ ასე ცხოვ­რე­ბა არ შე­იძ­ლე­ბა”

გია მურ­ღუ­ლია: ქარ­თუ­ლი მენ­ტა­ლო­ბი­სა და ქცე­ვის ყვე­ლა­ზე უა­რეს­მა, ამაზ­რზენ­მა მო­ცე­მუ­ლო­ბებ­მა – ზოგ ყე­ყეჩს პატ­რი­ო­ტიზ­მის უმაღ­ლე­სი მწვერ­ვა­ლი რომ ჰგო­ნია – კონ­კრე­ტუ­ლი მო­ძა­ლა­დე სა­ხე­ე­ბი შე­ი­ძი­ნა და სიკ­ვდი­ლი და­თე­სა. და ეს იმ ქვე­ყა­ნა­ში, რო­მელ­მაც სამ­ყა­როს ამ­დე­ნი კე­თი­ლი საქ­მე და გულ­ღი­ა­ო­ბა აჩ­ვე­ნა.სიყ­ვა­რუ­ლი არას­დროს არის სიკ­ვდი­ლის არც მი­ზე­ზი, არც მი­ზა­ნი და არც შე­დე­გი.მისი სა­ხე­ლით ადა­მი­ა­ნი არ უნდა გა­ა­ნად­გუ­რო!ამ ახალ­გაზ­რდა კა­ცის, ტვ “პირ­ვე­ლის” ოპე­რა­ტო­რის, ლექ­სო ლაშ­ქა­რა­ვას ტრა­გი­კულ­მა გარ­დაც­ვა­ლე­ბამ მა­ინც უნდა აუ­ხი­ლოს თვა­ლი ჩვე­ნი სა­ზო­გა­დო­ე­ბის იმ ნა­წილს, რო­მე­ლიც პრობ­ლე­მა­თა გა­და­წყვე­ტის ლა­მის ერ­თა­დერთ შე­საძ­ლებ­ლო­ბად ძა­ლა­დო­ბას მი­იჩ­ნევს.

ასე­თი ფიქ­რი და ქცე­ვა არ­ცხვენს სა­ქარ­თვე­ლოს – ყვე­ლას, ვინც აქ ვცხოვ­რობთ და აქვე ვხე­დავთ ჩვე­ნი შვი­ლე­ბი­სა და შვი­ლიშ­ვი­ლე­ბის მო­მა­ვალს.ეს ის მო­მა­ვა­ლი არ არის, რო­მელ­ზეც და­მო­უ­კი­დებ­ლო­ბის აღ­დგე­ნის დღეს ვოც­ნე­ბობ­დით.ეს ყვე­ლა­ფე­რი გვაჩ­ვე­ნებს, რომ დიდი ხა­ნია რა­ღა­ცას არას­წო­რად, სუ­ლე­ლუ­რად და უპა­სუ­ხის­მგებ­ლოდ ვა­კე­თებთ.თუ ღირ­სე­უ­ლი მო­მა­ვა­ლი გვინ­და, ყვე­ლა­ზე მთა­ვა­რი – ადა­მი­ა­ნის მი­მართ და­მო­კი­დე­ბუ­ლე­ბა უნდა შევ­ცვა­ლოთ.შე­ვი­ნარ­ჩუ­ნოთ, რაც წი­ნაპ­რე­ბი­დან სი­კე­თე მოგ­ვდგამს და სიკ­ვდილ­თან თა­მა­შებს თავი და­ვა­ნე­ბოთ. რამ­დე­ნი რამ მოხ­და ბოლო წლებ­ში, რამ­დე­ნი უბე­დუ­რე­ბა, ძა­ლა­დო­ბა და სა­ში­ნე­ლე­ბა – ჭკუა არა­ფერ­მა გვას­წავ­ლა!

ჩვე­ნი სო­ცი­ა­ლუ­რი მეხ­სი­ე­რე­ბა ნულს ქვე­მო­თაა. სამ დღე­ში ყვე­ლა­ფე­რი გვა­ვი­წყდე­ბა და ძვე­ლე­ბუ­რად ცხოვ­რე­ბას ვაგ­რძე­ლებთ.თა­ვად ასე ვცხოვ­რობთ და შვი­ლებ­საც ასე ვზრდით.არც ოჯა­ხი ცდი­ლობს ადა­მი­ა­ნის აღ­ზრდას და სკო­ლას ეს საქ­მე ლა­მის სა­ბო­ლო­ოდ გა­უც­ნო­ბი­ე­რე­ბე­ლი და სა­ერ­თოდ მიგ­დე­ბუ­ლი აქვს. რე­ა­ლო­ბა გვიჩ­ვე­ნებს, რომ როცა ამას ვამ­ბობ, მა­ინ­ცდა­მა­ინც არა­ფერს ვა­ჭარ­ბებ.

ძა­ლი­ან ცოტა ქარ­თველს აქვს აღ­ზრდის კულ­ტუ­რა და ძალა.სხვა გზა არ გვაქვს – რო­გორ­მე ცოტა ხან­გრძლი­ვად უნდა შევ­წუხ­დეთ და ერ­თმა­ნეთ­საც ვუ­თხრათ, რომ ასე ცხოვ­რე­ბა არ შე­იძ­ლე­ბა. ის თა­ნაბ­რად შე­უ­რა­ცხყოფს ჩვენს ის­ტო­რი­ა­საც, ტრა­დი­ცი­ა­საც და მო­მა­ვალ­საც.სი­ცო­ცხლე არა­ფერს გვას­წავ­ლის.იქ­ნებ ამ­დენ­მა სიკ­ვდილ­მა მა­ინც გვას­წავ­ლოს.ამა­ზე სა­ზო­გა­დო­ე­ბაც უნდა და­ფიქ­რდეს, მთავ­რო­ბაც, პარ­ლა­მენ­ტიც და თი­თო­ე­უ­ლი მო­ქა­ლა­ქეც.უკან მი­დევ­ნე­ბუ­ლი სიბ­რძნეც არა­ფერს გვიშ­ვე­ლის – წინმსწრე­ბი გო­ნი­ე­რე­ბით უნდა ვი­ცხოვ­როთ.რა­ცი­ო­ნა­ლუ­რი გა­და­წყვე­ტი­ლე­ბე­ბი, პრინ­ცი­პუ­ლო­ბა და სიმ­ტკი­ცე გვმარ­თებს.

წერს ფილოლოგიის დოქტორი, გია მურღულია, ჟურნალისტების მიმართ განხორციელებულ ძალადობაზე, რის შედეგადაც ტვ “პირველის” ოპერატორი რამდენიმე დღეში გარდაიცვალა.

გააზიარეთ და მოიწონეთ სტატია:

მსგავსი სტატიები:

ვინ არის პირველი ოპოზიციონერი დეპუტატი რომელიც პარლამენტში შედის ანსამბლი წევრების გარეშე, რომელთა ხელფასებშიც 441.9 ათასია დახარჯული “დედაბუდიანად ქუჩაში უნდა ვიდგეთ და ამ ავადმყოფი სისტემის ამოძირკვას უნდა ვითხოვდეთ” “არ გამიგია, რომ ვინმეს “ოცნებიდან” წასვლა უნდა, თუმცა გზა ხსნილია” ცერცვაძე: “ვაქცინაცია თუ ასე გაგრძელდა, მესამე ტალღა საქართველოში მალე დაიწყება” ოქრუაშვილი ვაშაძეზე: ბავშვი რომ ეყოლოს, იმასაც შარლ მიშელს დაარქმევს სიმართლეს ვერავინ შეაჩერებს! – რას პასუხობს გახარია ივანიშვილს? გახარიას „ღალატი“ და „ხელისუფლების აყირავების“ გეგმა