გაერთიანებული წყალმომარაგების გურიის ხელმძღვანელი დავით ცერცვაძე თანამდებობიდან გაათავისუფლეს.
როგორც “გურიის მოამბისთვის” გახდა ცნობილი, გაერთიანებული წყალმომარაგების გურიის სამსახურის უფროსი დავით ცერცვაძე სამსახურიდან წუხელ დაითხოვეს.
დავით ცერცვაძე ჩვენთან საუბარში აცხადებს, რომ განცხადება სამსახურიდან წასვლის თაობაზე თვითონ დაწერა.
სამსახურის დატოვების მიზეზად დავით ცერცვაძე კერძო სექტორში გადასვლას ასახელებს. ამბობს, რომ ეს საკითხი პოლიტიკას არ უკავშირდება.
ჩვენი წყაროს თქმით, ცერცვაძის თანამდებობა კოტე შარაშენიძესთან მეგობრობას შეეწირა და ეს გადაწყვეტილება უშუალოდ არჩილ თალაკვაძემ მიიღო, რომელსაც საკუთარ თავზე აქვს აღებული შარაშენიძის კადრების წმენდა.
აღსანიშნავია, რომ ამ თემაზე, ცერცვაძის მსგავსად არც არჩილ თალაკვაძე აკეთებს კომენტარს. პარლამენტის ყოფილი თავმჯდომარე და “ოცნების” კანდიდატის ძმა, რომელიც წლების განმავლობაში შარაშენიძეს წყალობდა და ბევრ რამეში ეხმარებოდა, მედიას დღესაც დაემალა.
ალბათ, ამის მიზეზი ის კითხვებია, რომელიც მის ბოლოდროინდელ ქმედებებს უკავშირდება და რომლითაც დასტურდება, რომ თალაკვაძის ბრძანებით ოზურგეთში პოლიტიკური ნიშნით წმენდა დაიწყო, რათა მის ძმას მერობისკენ მიმავალი გზა გაუმარტივოს.
პ.ს. შეგახსენებთ, რომ რამდენიმე დღის წინ თანამდებობა დაატოვებინეს გურიის სამაშველო სამსახურის უფროსს პაატა ლომთაძეს, რომელიც სოსო გოგაშვილის კადრად ითვლებოდა.
როგორც ცნობილია, გოგაშვილის გუნდი, ოზურგეთში, მხარს კოტე შარაშენიძეს უჭერს.
მსგავსი სტატიები:
ბორჯომის წმინდა გიორგის სახელობის ტაძრის წინამძღვრი კორონავირუსით გარდაიცვალა
როგორ გამოხატავენ გურიაში სათქმელს — გურული დიალექტის სახალისო მაგალითები
ძლიერი ხანძარი მამათში – ადგილზე ოზურგეთის და ლანჩხუთის სამაშველო სამსახურები მუშაობენ
ბუხრები აუცილებლად ცხემლის შეშით უნდა ანთებულიყო-საკალანდო რიტუალები
ოზურგეთის თეატრის უკან მდებარე პარკს არსენ კეჭაყმაძის სახელი მიენიჭა
ასაგები ჰესები გურიაში-მეთოდები, საფრთხეები, სარგებელი…
“ნაციონალური მოძრაობა” გურიაში მერობის კანდიდატებს ამ დღეებში დაასახელებს
18 აგვისტოს კოვიდ სტატისტიკა ოზურგეთში