მიმდინარე წლის 11 თებერვლიდან პოლონეთის რესპუბლიკაში ჩასული პირებისთვის კარანტინის ხანგრძლივობა მცირდება, – მის შესახებ ინფორმაციას პოლონეთში საქართველოს საელჩო ავრცელებს.
მათივე ინფორმაციით, პოლონეთის რესპუბლიკაში შემოსული მგზავრი, რომელიც არ წარადგენს კოვიდ ბარათს/ევროკავშირის ციფრულ კოვიდ-სერტიფიკატს, დაექვემდებარება 7 დღიან კარანტინს/თვითიზოლაციას.
„ძვირფასო თანამემამულენო, მიმდინარე წლის 11 თებერვლიდან პოლონეთის რესპუბლიკაში ჩასული პირებისთვის მცირდება კარანტინის ხანგრძლივობა, კერძოდ:
პოლონეთის რესპუბლიკაში შემოსული მგზავრი, რომელიც არ წარადგენს კოვიდ ბარათს/ევროკავშირის ციფრულ კოვიდ-სერტიფიკატს, დაექვემდებარება 7 დღიან კარანტინს/თვითიზოლაციას.
კარანტინს არ დაექვემდებარებიან სრულად ვაქცინირებული პირები (Pfizer-BioTech, AstraZeneca, Moderna, Janssen/Johnson&Johnson) და ის მგზავრები, რომლებსაც ბოლო 6 თვის განმავლობაში გადატანილი აქვთ კორონავირუსი (შესაბამისი დოკუმენტაციის წარდგენის შემთხვევაში). ჯერ ისევ ზუსტდება დეტალური ინფორმაცია, აუცილებელი იქნება თუ არა საზღვრის კვეთისას ანტიგენური, ან PCR ტესტის უარყოფითი პასუხის წარდგენა.
შესაბამისი განკარგულების პოლონეთის საკანონმდებლო მაცნეში გამოქვეყნებისთანავე, ინფორმაცია დაუყოვნებლივ განახლდება ბმულზე“, – ნათქვამია პოლონეთში საქართველოს საელჩოს მიერ გავრცელებულ ინფორმაციაში.
მსგავსი სტატიები:
შემოქმედის მიტროპოლიტი იოსები, ეპარქიაში გაჩენილ ხანძართან დაკავშირებით, განცხადებას ავრცელებს
პატრიარქი ილია მეორე იუბილარია, მას 88 წელი შეუსრულდა
ნანა ექვთიმიშვილი საერთაშორისო ბუკერის პრემიის გრძელ სიაში მოხვდა
საქართველოში ტემპერატურა ნორმაზე 1-2 გრადუსით მაღალი იქნება და ზაფხულში 40 გრადუსს მიაღწევს
ოპოზიციის აქციის პარალელურად, სპეცრაზმი და წყლის ჭავლის მანქანებია მობილიზებული
16 ნოემბრის კოვიდსტატისტიკა
“გურულები წიგნის კითხვამ გადარიაო” – პირველი ბიბლიოთეკა გურიაში
FACEBOOK-ში დაშიფრული მიმოწერის დასქრინვის შემთხვევაში ადრესატი შეტყობინებას მიიღებს