რუს ტყვეებს დედებს გადასცემენ, თუ ისინი შვილებს კიევში ჩააკითხავენ – უკრაინის თავდაცვის სამინისტრო

უკრაინის თავდაცვის სამინისტრო აცხადებს, რომ ტყვედ ჩავარდნილ რუს ჯარისკაცებს, კიევში ჩასვლის შემთხვევაში დედებს გადასცემენ.

უწყება Facebook-ზე საკონტაქტო ნომრებს აქვეყნებს, რომლითაც შესაძლებელია ტყვეობაში მყოფი ჯარისკაცების ვინაობის დადგენა. სამინისტრო ასევე რუსი ჯარისკაცების დედებისთვის განმარტავს, რა გზით შეუძლიათ ჩავიდნენ კიევში.

“რა უნდა გააკეთოთ, რომ შვილი ტყვეობიდან დაიბრუნოთ:

საჭიროა დარეკოთ მოცემულ ტელეფონის ნომრებზე, რომ გაარკვიოთ ტყვეების სიაშია თქვენი შვილი თუ გარდაცვლილია. აუცილებლად უნდა შეხვიდეთ ტელეგრამის არხზე: Груз 200 https://t.me/gruz_200_rus

ან დარეკოთ ცხელ ხაზის შემდეგ ნომრებზე: +380894201860; +380894201861; +380894201862

ან უნდა გაგზავნოთ წერილი ელექტრონულ ფოსტაზე: Vernis_iz_ukraine@gmail.com

თუ ჩვენგან მიიღებთ დამადასტურებელ პასუხს, რომ თქვენი შვილი დატყვევებულია, ამ შემთხვევაში, რუსი ჯარისკაცების დედები უნდა ჩამოხვიდეთ კიევში.

პუტინის ფაშისტური არმიის შემოჭრისა და საჰაერო სივრცის ჩაკეტვის გამო, კიევამდე ჩამოსვლას შეძლებთ ასე: ჩადით კალინინგრადამდე ან მინსკამდე, შემდეგ ავტობუსით ან ტაქსით მიდით პოლონეთის საზღვრამდე სადაც დაგხვდებიან, ჩამოგაცილებენ კიევამდე და გადმოგცემენ თქვენს შვილს.

ჩვენ, უკრაინელები, პუტინის ფაშისტებისგან განსხვავებით არ ვებრძვით დედებს და მათ ტყვედ ჩავარდნილ შვილებს”, – ნათქვამია სამინისტროს განცხადებაში.

სოციალურ ქსელში უკვე ვრცელდება ვიდეოები, რომელშიც სამხედროები მშობლებს სთხოვენ ჩავიდნენ უკრაინაში და წაიყვანონ.

“ტყვედ ჩავვარდი. კარგად ვარ, არ ინერვიულო. ძალიან გთხოვ, წამიყვანე აქედან, პირადად შენ ან მამას მოგცემენ ჩემს თავს. არ ვიცი ახლა სად ვარ, მშვიდობიან მოსახლეობას ბომბავენ”, – ამბობს ერთ-ერთი ტყვე დედასთან სატელეფონო საუბრისას.

გააზიარეთ და მოიწონეთ სტატია:

მსგავსი სტატიები:

ტომ როგანი:“მთავარი შეშფოთების საგანი მილიარდერი ოლიგარქი, ბიძინა ივანიშვილია“ ივანიშვილის ციხესიმაგრეში ცხოვრებას ვერ შევეგუებით – ანზორ მელია შარლ მიშელი საქართველოში ჩამოვიდა პრემიერმა უცხოური ინვესტიციების მოზიდვის მიმართულებით სპეციალური მრჩეველი დანიშნა მინდა ჩემს მეგობარს, საქართველოს მესამე პრეზიდენტს, ვუთხრა, რომ მისი მაგალითი და თავგანწირვა დაილექება და დარჩება ისტორიას – დეკანოიძე არ მქონია ღარიბაშვილთან დაპირისპირება, თავად მივიღე გადადგომის გადაწყვეტილება-ტიკარაძე შესაძლებელია, ომიკრონი გარკვეულწილად პანდემიის დასასრულის მომასწავებელი იყოს – ჩხაიძე ”ჩვენი ხელისუფლება მჩაგვრელი რუსეთის ხსენებასაც ვერ ბედავს”