ხარკოვის ოლქის იზიუმის რაიონის სოფელ ჰუსარივკაში რუსმა ოკუპანტებმა წამების ოთახი მოაწყეს, – ამის შესახებ ინფორმაციას უკრაინის ეროვნული პოლიცია ავრცელებს.
პოლიციის ცნობით, უკრაინელი სამხედროების მიერ რუსეთის ფედერაციის ოკუპაციისგან განთავისუფლების შემდეგ, პოლიციამ კერძო სახლის ტერიტორიაზე მოქალაქეების, მათ შორის ბავშვების დასახიჩრებული ცხედრები იპოვა.
“4 აპრილს რუსი სამხედროების დანაშაულების დოკუმენტირებისას გამომძიებლებმა კერძო სახლის სარდაფში სამი დასახიჩრებული და ნაწამები ცხედარი იპოვეს. გარდაცვლილთა ვინაობა დგინდება. გამოძიების ინფორმაციით, ცხედრების ექსპერტიზამ ხანგრძლივი შეურაცხყოფისა და წამების კვალი აღმოაჩინა. ხალხი ცოცხლად დაწვეს. ერთი ბავშვი აწამეს. დადგენილია, რომ რუსეთის ფედერაციის სარდლობა ეზოში დიდი ხნის განმავლობაში იყო განთავსებული”, – ნათქვამია განცხადებაში.
პოლიცია განცხადებაში უთითებს, რომ ამავე სოფელში კაცის ცხედარი იპოვეს, რომელიც საავადმყოფოში მედიკოსად მუშაობდა. ექსპერტიზის დროს გამომძიებლებმა სხეულსა და სახეზე სისხლჩაქცევები აღმოაჩინეს. მამაკაცს ხელები ზურგს უკან ჰქონდა შეკრული. მამაკაცის გულმკერდის არეში ტყვიით ჭრილობა აღენიშნებოდა.
ასევე მათი ინფორმაციით, გზატკეცილზე, მანქანაში მამაკაცის, ქალისა და მათი სამი წლის ბავშვის ცხედრებია ნაპოვნი. მათი გარდაცვალების მიზეზი საარტილერიო დაბომბვის შედეგად მიღებული დაზიანებები გახდა.
მსგავსი სტატიები:
ილია ll პარლამენტის პირველ სხდომას არ დაესწრება
“„ქართულმა ოცნებამ” დიდი დარტყმა მიაყენა საქართველოს ევროსტლანტიკურ პერსპექტივას”
გურიის გუბერნატორს თანამდებობა დაატოვებინეს
მეუფე სტეფანე: “სიბილწის პროპაგანდა არავითარ შემთხვევაში არავის უფლება არ არის”
სააკაშვილის ძმა: პირველი ღამე იქნება, როდესაც დავიძინებ – მიშა შიმშილობას წყვეტს
წელს სურსათის გაიაფების იმედი არ უნდა გვქონდეს
ზელენსკი: დავინახავთ, თუ ვინ არის ჩვენი მეგობარი, პარტნიორი და ვინ გაგვყიდა და გვიღალატა
უკრაინის საჰაერო თავდაცვამ რუსული Су-34 ჩამოაგდო