„ბოლო თვეში ზეთის ფასმა 10-15%-ით დაიკლო, ამჟამინდელი ფასი 4.5-6 ლარს შორის მერყეობს“, – ამის შესახებ ზეთი „ბარაქას“ მწარმოებელი კომპანია „ალფას“ დირექტორი ირაკლი ციხისთავი BM.GE-თან აცხადებს.
კომპანია მზესუმზირის ზეთის ძირითადი ნაწილის იმპორტს რუსეთიდან ახდენს და ფასის კლების მიზეზებზე საუბრისას ციხისთავი აღნიშნავს, რომ ეს რუსეთში რუბლის გაუფასურებამ განაპირობა.
„ცხადია, შეიძლება არსებობდეს სხვა მიზეზებიც, მაგრამ ამ ეტაპზე მთავარი რუსეთში, რუბლის კურსის გაუფასურება იყო, ეს მომავალშიც მოახდენს გავლენას.
ზეთის ფასის შენარჩუნების საკითხზე ამ ეტაპზე პროგნოზი არ გვაქვს, ველოდებით მოვლენების განვითარებას“, – აცხადებს ირაკლი ციხისთავი.
აღსანიშნავია, რომ საერთაშორისო სავალუტო ბირჟაზე რუსული რუბლის გაუფასურების მკვეთრი ტენდენცია 2023 წელსაც გრძელდება, იანვრის პირველი ნახევრის ერთკვირიან ჭრილში რუსეთის ფედერაციის ეროვნული ვალუტის ღირებულება აშშ დოლართან მიმართებით დამატებით 4% შემცირდა; ერთთვიან ჭრილში რუბლის გაუფასურების მაჩვენებელი კი 15%-ს შეადგენს.
რაც შეეხება 2022 წელს ზეთის იმპორტის მოცულობას, 2022 წლის იანვარ-ნოემბერში საქართველომ 40.2 მლნ დოლარის ღირებულების 23 125 ტონა მზესუმზირის ზეთი შეიძინა, საიდანაც რუსეთიდან იმპორტირებული პროდუქტის წილი 34.2 მლნ დოლარის ღირებულების 19 937 ტონას შეადგენდა.
მსგავსი სტატიები:
“არჩევნები რუსმა ოლიგარქმა მოიპარა” – პომპეოს შეხვედრების პარალელურად აქციები მიმდინარეობს
ბაალენი: მოვუწოდებთ ხელისუფლებას ნიკა მელიას დაუყოვნებლივ გათავისუფლებისკენ
“ნაციონალური მოძრაობის“ წევრები მელიას მხარდასაჭერად მსვლელობას მართავენ
თავდაცვის სამინისტროს ანგარიშებზე ნაშთების უზუსტობა 697 406 534 ლარია – აუდიტის სამსახური
ბიძინა ივანიშვილის “დამალული ქონება” – რა წერია “პანდორას ფაილებში”
“აქ სუსის ხელშია ყველაფერი, არ მაქვს ნდობა… თითქოს უკეთესად იყო, მაგრამ ნელ-ნელა მიდის უკან” – გიული ალასანია მიხეილ სააკაშვილზე
გენადი ბესტაევი გარდაიცვალა
დავით მჟავანაძე – ქართველი ხალხი არასოდეს იტყვის უარს თავისუფლებისათვის ბრძოლაზე