„ნაციონალური მოძრაობა“ თბილისში მიხეილ სააკაშვილის გათავისუფლების შტაბს ქმნის

„ნაციონალური მოძრაობა“ თბილისში მიხეილ სააკაშვილის გათავისუფლების შტაბს ქმნის, – ამის შესახებ „ნაციონალური მოძრაობის“ თავმჯდომარე ლევან ხაბეიშვილმა პრესკონფერენციაზე განაცხადა.

მისი თქმით, მნიშვნელოვანია, რომ „ნაციონალური მოძრაობა“ დედაქალაქში ძლიერი იყოს, მათ შორის სტრუქტურული თვალსაზრისით

„იმ პირობებში, როდესაც დედაქალაქს მკვლელი, კორუმპირებული, ფულზე დახარბებული რუსეთუმე მერი ჰყავს, რომლის განცხადებები იდენტურია სალავიოვის, სიმონიანის და ზახაროვას განცხადებების; იმ პირობებში, როდესაც დედაქალაქში უამრავი პრობლემაა, დაწყებული სატრანსპორტო კოლაფსით, გაგრძელებული ურბანული, ეკონომიკური კატასტროფით; იმ პირობებში, როდესაც კალაძე გადასულია ფულის შოვნაზე და არ ერიდება რუსულ, მოღალატეობრივ განცხადებებს, მნიშვნელოვანია, „ერთიანი ნაციონალური მოძრაობა“ ძლიერი იყოს დედაქალაქში, მათ შორის სტრუქტურულად. ამიტომ, დღეს დედაქალაქში ბროსეს ქუჩა #6-ში მიხეილ სააკაშვილის გათავისუფლების შტაბს ვხსნით, რომელიც პარალელურად ენმ-ის თბილისის ცენტრალური ოფისი იქნება. ჩვენს მომხრეებს, რომლებიც დედაქალაქში ასი ათასობით არიან, მოვუწოდებ – მობრძანდით ჩვენთან, ოფისში, გაიარეთ რეგისტრაცია, გახდით თანამონაწილე „რუსულ ოცნებაზე“ გამარჯვების. ამასობაში, იმისთვის, რომ თბილისში პარტია ძლიერი იყოს, სამუშაო ჯგუფი შევქმენით, რომელსაც ირაკლი ნადირაძე უხელმძღვანელებს. მისი ამოცანა იქნება თბილისში „ნაციონალური მოძრაობის“ რეორგანიზაცია, სტრუქტურულად გამართვა, რათა პარტია ძლიერი იყოს ისე, როგორც არასდროს. ამის პარალელურად, „ნაციონალური მოძრაობის“ ოფიციალურ გვერდზე დაიდება კონკრეტული აპლიკაცია, რისი მეშვეობითაც თითოეულ თქვენგანს შეეძლება რეგისტრაციის გავლა. ყველას, ვინც თბილისში ცხოვრობთ და არ გინდათ რუსეთში ცხოვრება, გინდათ ჩვენი ქვეყნის ევროპული მომავალი; ყველას, ვისაც გინდათ, მონაწილეობა მიიღოთ დერუსეთიზაციაში, დებიძინიზაციაში და დეოლიგარქიზაციაში, გელოდებით ბროსეს ქუჩაზე“,- განაცხადა ლევან ხაბეიშვილმა.

გააზიარეთ და მოიწონეთ სტატია:

მსგავსი სტატიები:

ომბუდსმენი: შეზღუდვები შესაძლოა, სხვა რელიგიური გაერთიანებების მიმართ დისკრიმინაციული იყოს ბერა: ჩემს სიმღერაში ქათმების ხმას ეძებდნენ, ვერ იპოვეს და თოლიებისას დასჯერდნენ ბრაიზა: ანაკლიის პორტის პროექტის ჩავარდნა კატასტროფა იყო სააკაშვილი ივანიშვილზე-ჩემთან მოდიოდა მლიქვნელური, ყოველთვის დაოთხილი, წელში მოხრილი… დეკანოზი- არ მოკლათ ადამიანი! აჩვენეთ ღმერთს, რომ ჩვენ შევიცვალეთ! „ბატონო პრეზიდენტო, ცოტა უფრო რბილად იმოქმედეთ, თორე ხომ გაუსკდება პუტინს გული და ცოდოა“ – ბარამიძე ევროპის საბჭომ რუსეთს წევრობა შეუჩერა ლეიენი: გაზპრომის განცხადება გაზით შანტაჟის მორიგი მცდელობაა,ამ სცენარისთვის მზად ვართ