ევროპული საბჭოს პრეზიდენტის, შარლ მიშელის განცხადებით, მოლდოვის, უკრაინისა და საქართველოს ევროკავშირში გაწევრიანების თაობაზე მოლაპარაკებების პროცესის დაწყების შესახებ ევროპულმა საბჭომ გადაწყვეტილება 2023 წლის ბოლომდე უნდა მიიღოს.
აღნიშნული განცხადება მიშელმა კიშინიოვში, მოლდოვის პრეზიდენტთან, მაია სანდუსთან გამართულ ერთობლივ პრესკონფერენციაზე გააკეთა.
„ევროკომისიამ ევროკავშირში გაწევრიანების პროცესთან დაკავშირებით შემდეგი ანგარიში უნდა გამოაქვეყნოს, რომელიც ეხება მოლდოვას, უკრაინასა და საქართველოსთვის ევროპულ პერსპექტივას, და ასევე დასავლეთ ბალკანეთს. მსურს მკაფიოდ დავადასტურო, რომ მე ამ საკითხის დაყენებას ევროპული საბჭოს დღის წესრიგში წლის ბოლოსთვის ვაპირებ. ეს ნიშნავს, რომ წლის ბოლოსთვის საბჭომ ამ ქვეყნებთან ევროკავშირში გაწევრიანების შესახებ მოლაპარაკებების პროცესის დაწყების საკითხზე გადაწყვეტილება უნდა მიიღოს. ეს პოლიტიკური გადაწყვეტილება იქნება იმ ანგარიშის გათვალისწინებით, რომელსაც ევროკომისია გამოაქვეყნებს. გულწრფელად ვიმედოვნებ, რომ დადებითი გადაწყვეტილება წლის ბოლოსთვის შესაძლებელი გახდება“, – განაცხადა შარლ მიშელმა.
მსგავსი სტატიები:
ვინ არის პირველი ოპოზიციონერი დეპუტატი რომელიც პარლამენტში შედის
თუ არ გვეხმარებით, ხელს მაინც ნუ შეგვიშლით – გახარია ოპოზიციას
პუტინი კიდევ 2 ვადით – დუმამ ახალი კანონპროექტი მიიღო
“ყოველთვის ვამბობდი, რომ ის არასდროს იყო ჩემთვის იდენტური იმ ადამიანების, ვინც „ქართულ ოცნებაში“ დარჩნენ”
პარლამენტში შემოვედი იმიტომ, რომ სათითაოდ გაგიყვანოთ აქედან – ნიკა მელია
რატომ “გაქუსლა” ღარიბაშვილმა თბილისში – რა მოხდა უკრაინაში
მიხეილ სააკაშვილის მიმართ მოპყრობა სამარცხვინოა – ლუკ კოფი
“შემძრა დევნილის, ზურაბ ჭიჭოშვილის ტრაგედიამ…მთელი ღამე ვერ დავიძინე”- მიხეილ სააკაშვილი