27 დეკემბერს ანზორ ერქომაიშვილის სახელობის ფოლკლორის სახელმწიფო ცენტრის ოზურგეთის სალოტბარო სკოლის მოსწავლეებმა შეზღუდული შესაძლებლობების მქონე პირებისთვის საახალწლო კონცერტი გამართეს. წინასაახალწლო ღონისძიება ბახვი ჰესის მხარდაჭერით ჩატარდა და ის ოზურგეთის მუნიციპალიტეტში მოქმედ „ადაპტი თანასწორობისა და განვითარების დღის ცენტრისა“ და შშმ პირთა „საქველმოქმედო ასოციაცია გურიას“ ბენეფიციარებისთვის იყო განკუთვნილი.
ღონისძიება ფოლკლორის ცენტრის პროექტ „ვუმღეროთ თანატოლებს“ ფარგლებში გაიმართა და მასში მონაწილეობა 170-მა ადამიანმა მიიღო, მათ შორის 90-მდე შშმ პირი იყო.
„ჩვენ გვაქვს ასეთი პროექტი „ვუმღეროთ თანატოლებს“. წლის განმავლობაში რამდენიმე კონცერტს ვმართავთ ხოლმე. ამჯერად გადავწყვიტეთ, რომ ამ ახალ წელს შეზღუდული შესაძლებლობების მქონე პირები გაგვეხარებინა და ჩვენმა მოსწავლეებმა სპეციალურად მათთვის წინასაახალწლო კონცერტი გამართეს.
მინდა, მადლობა გადავუხადო „ბახვი ჰესს“, რომელმაც მხარდაჭერა გამოგვიცხადა და ამ დღის გალამაზებაში ერთ-ერთი მთავარი როლი შეასრულა. როგორც ჩვენი მოსწავლეებისთვის, ასევე კონცერტის მონაწილე თითოეული პირისთვის ეს დღე დაუვიწყარი იყო“,- განაცხადა ოზურგეთის ფოლკლორის ცენტრის ხელმძღვანელმა, ავთო სურგულაძემ.
მსგავსი სტატიები:
„7 წელი ვიმუშავე ამ ჯიხურში, შვილივით შემიყვარეს, ზრუნავდნენ ჩემზე…“ – ზურა შევარდნაძის სტუდენტობა და გზა “გარდენიამდე”
“რამდენიმე რამ, რაც ვერ გავიგე გარეჯთან დაკავშირებულ პროცესებზე”-გამზარდია
ვან გოგის 8 მილიონ ევროთ შეფასებული უცნობი ტილო, აუქციონზე გაიყიდება
“გენიალურმა რეზო გაბრიაძემაც დაგვტოვა,ბავშვობიდან ძალიან მიყვარდა, პირადად ვიცნობდი და ვამაყობდი, რომ ვიცნობდი”
ბუღაძე: ეროვნული თეატრი პუტინის მიერ კურთხეულ ფესტივალზე არ უნდა იღებდეს მონაწილეობას
ხელოვნების მუზეუმი პროტესტის ნიშნად, სამმა თანამშრომელმა დატოვა
15 გასაოცარი ფაქტი რემბრანდტის შესახებ, რომელიც არ იცოდით
ალი-ყული ჯაბადარი – ქართველი მხატვარი ირანში